Ndërtimi i një rrugice në Hajvali të Prishtinës nxiti një konflikt tragjik mes dy djemve të axhës të familjes Gashi. Për disa pëllëmbë tokë, D. Gashi dyshohet se theri me thikë në zemër djalin e axhës, Nehat Gashin. Ngjarja ndodhi të hënën rreth orë 19:00, para supermarketit të lagjes “Byqma”, që ishte pronë e viktimës.
44 vjeçari D. Gashi, nga Hajvalia, mbrëmë rreth orës 19:00 theri me thikë për vdekje djalin e axhës së tij, Nehat Gashin (40 vjeç). Deri te konflikti mes familjarëve çoi një mosmarrëveshje për kufirin e tokave të tyre, e që duhej liruar për të vazhduar ndërtimet në lagjen më të madhe të kryeqytetit.
Konflikti që përfundoi me vdekjen e Nehat Gashit ndodhi pranë supermarketit “Byqma” që është pronë e viktimës.
40 vjeçari u varros pasdite, një ditë pas tragjedisë, në varrezat e Hajvalisë.
Familja Gashi, të tronditur nga rasti, nuk kanë pranuar të rrëfejnë hollësisht për rrethanat që kanë çuar deri te konflikti.
Por ata pretendojnë se viktima dhe dorasi deri në ditën kritike kishin pasur raporte të mira mes vete dhe se ndodhia ishte tejet e papritur.
“Kanë pas raporte shumë të mira, janë dashtë si vëllezër, rasti ndodhi krejt pa pritur”, i tha shkurt Gazetës Express një familjar i viktimës.
E disa të afërm të tjerë, duke mos dashur të flasin shumë, lanë të kuptohet se sulmuesi D. Gashi ishte i sëmurë psikik.
Sido që të jetë, D. Gashi është arrestuar disa orë pasi ndodhi vrasja. Njoftimi u dha nga vetë policia e Kosovës, e cila tregon se dorasi u dërgua në mbajtje me urdhër të prokurorit.
“Në lidhje me rastin raportohet se me 13.06.2016 është arrestuar i dyshuar mashkull K/Shqiptar dhe i njëjti pas intervistimit me vendim të prokurorit është dërguar në mbajtje.”, thuhet në njoftimin e Policisë.
Të njëjtit njoftuan edhe për vrasjen dhe se viktima kishte ndërruar jetë në Qendrën Emergjente të Qendrës Klinike Universitare të Kosovës.
“I dyshuari mashkull K-Shqiptar, pas një mosmarrëveshje rreth një rruge ka sulmuar fizikisht duke e goditur me një mjet të mprehtë-thikë viktimën mashkull K-Shqiptar. Viktima ka pësuar lëndime trupore dhe i njëjti është dërguar në QKUK dhe si pasojë e lëndime të marra i njëjti ka ndërruar jetë”, njofton Policia.
“Në vendin e ngjarjes njësiti policor ka gjetur dhe ka konfiskuar thikën me të cilën dyshohet se është kryer vepra. Me urdhër të prokurorit trupi i pajetë i viktimës dërgohet në IML për obduksion”, thuhet tutje në raport, shkruan GazetaExpress.
Promo
Reklamo këtuLufta Prigozhin - Putin
Më shumëAksioni i Policisë në veri, u konfiskuan rreth 75 milionë dinarë, 1.6 milion euro, dollarë e franga
Spahiu: Në shtator nis seria e vrasjeve hakmarrëse të kriminelëve, porosi nga Dubai
I akuzuari: Bashkë me familjen kam mbi 10 milionë euro pasuri, s’kam pasur nevojë të pastroj para
Aksioni i PK-së në veri, kërcënon Daçiq: Kjo çon në konflikte të reja në Ballkan, me pasoja të pallogaritshme
Dy gra u martuan te Bashkia e Tiranës, Malaj: Kundër veprimeve që e tejkalojnë ligjin
Rikthehet industria ushtarake, Shqipëria do të prodhojë armë
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Në vitin 2017 punonte në ndërtimtari, ndërsa tani ftohet nga Kroacia për në Euro 2024: Kush është Marco Pasalic
I akuzuari: Bashkë me familjen kam mbi 10 milionë euro pasuri, s’kam pasur nevojë të pastroj para
Spahiu: Në shtator nis seria e vrasjeve hakmarrëse të kriminelëve, porosi nga Dubai
Aksioni i Policisë në veri, u konfiskuan rreth 75 milionë dinarë, 1.6 milion euro, dollarë e franga
Gjyqtari përdori një rregull që pak kush e njeh në boks gjatë humbjes së Furyt nga Usyk
Shtëpia e Bardhë: Presidenti iranian 'kishte gjak në duart e tij'