Gjykata e Apelit ka vërtetuar dënimin prej 25 vjet burgim për Valon Ibërdemajn, i cili është gjetur fajtor për vrasjen e Isa Sejdiut në objektin e Agjencisë Kosovare të Intelegjencës.
Ish-punonjësi i AKI-së është vlerësuar se me dashje e ka vrarë kolegun e tij dhe motivi është vlerësuar të jetë xhelozia. Familja ka paralajmëruar padi për shtetin në konest civil, padi e cila sipas tyre do të kap vlerë milionëshe.
25 vite burgim. Këtë dënim të shkallës së parë të drejtësisë, Valon Ibërdemajt, ia vërtetoi edhe Gjykata e Apelit.
Ai është shpallur fajtor për vrasjen e Isa Sejdiut në vitin 2018, brenda objektit të Agjencisë Kosovare të Inteligjencës. Të dy ishin punonjës të AKI-së.
Televizioni Dukagjini ka mësuar se në aktgjykimin e Apelit, theksohet se në këtë rast ka ekzistuar elementi i dashjes, e arsyeja ishte një shaka e Sejdiut se do të bëhej zëvendës drejtor i përgjithshëm në AKI, gjatë një bisede me dëshmitarin R.I.
“E ka përdorë me qëllim që ta privoj nga jeta Isa Sejdiun, me të vetmen arsye se një ditë më parë shefi i kuzhinës, Isa Sejdiu, në shaka e sipër në restorantin e AKI-së, ku është fol rreth pozitës së zëvendës drejtorit të përgjithshëm, me ç’rast Isa duke bërë hajgare edhe me disa të tjerë ka thënë: Keni me ni emrin tem, po bohna i madh, po bohna zëvendësdrejtor, e që i pranishën kishte qenë edhe tani i akuzuari”, – Aktgjykimi i Apelit.
Këtë bisedë mes Sejdiut dhe R.I, e kishte dëgjuar Valon Ibërdemaj, e këtë e ka konfirmuar R.I gjatë dëshmisë së tij, i cili kishte treguar se të dënuarin e kishte pasur edhe punëtor për një kohë dhe se ka qenë i njohur për mostolerancë.
Në dënimin e Ibërdemajt, si rrethanë rënduese është marrë edhe rrezikshmëria konkrete për jetën e të dëmtuarit B.B, i cili kishte qenë afër Isa Sejdiut kur kishte ndodhur vrasja.
Ibërdemajt i është bërë edhe ekzaminimi psikiatrik, që kisht ekonstatuar se i pandehuri ka zvogëlim të aftësisë intelektuale e cila nuk është esenciale.
“Nga rrethana faktike të rastit rezulton se në drejtim të të ndjerit Isa Sejdiu ka vepruar me dashje direkte, sepse ishte i vetëdijshëm për veprën e vet dhe e ka dëshiruar kryerjen e saj. Në fakt, i akuzuari në ditën kritike e kishte me vete armën-revolen, e cila nuk ishte zyrtare, përkundër rregullave të institucionit, shkon në bufenë e AKI duke e ditur se aty punon i ndjeri, e sheh të ndjerin Isa dhe duke ecur shtënë dy herë në drejtim të tij”, – Aktgjykimi i Apelit.
Përveç këtij dënimi, Ibërdemaj, por edhe shteti i Kosovës, do të ballafaqohen me familjen e të vrarit edhe në kontest civil.
Këtë e ka konfirmuar edhe avokati i familjes, Skënder Musa, që tregon se do të kërkojnë kompensim milionësh.
“Tash për tash kemi ardhur në përfundim që përgjegjësinë më të madhe për shkaktimin e dëmit për palën e dëmtuar, për shkak të mungesës së jetës së anëtarit të familjes së tyre është Qeveria e Kosovës. Pa asnjë dyshim se padia do të jetë mbi milionëshe, për shkak se humbja ka qenë e madhe dhe mënyra dhe rrethanat e vrasjes kanë qenë jashtëzakonisht të rënda”, ka deklaruar Musa.
Valon Ibërdemaj është dënuar edhe për veprën penale të rrëmbimit dhe armëmbajtjes pa leje.
Promo
Reklamo këtuLufta Prigozhin - Putin
Më shumëNga Rubrika
Peci: Me arrestimin e zv.drejtorit të Policisë të Kosovës, Serbia ka bërë një autogol të madh
Kurti takoi nënkryetaret e Mitrovicës së Veriut, Zveçanit dhe Leposaviqit, flasin për regjistrimin e popullsisë
Fillon fushata për zgjedhjet kuvendare, elektrizohet skena politike në Maqedoninë e Veriut
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
Policia serbe e dërgon në paraburgim mërgimtarin nga Gjakova që e arrestoi në kufi
Arrestimi i zv.drejtorit të Policisë së Kosovës, analistët në Beograd: "Shfaqja e muskujve" nga Vuçiqi
U arrestua nga Serbia, lirohet zëvendësdrejtori i Policisë së Kosovës
Maltretimi i kosovarëve në Serbi, eurodeputetja holandeze i reagon Vuçiqit
Zbulohet shifra që u pagua Alma Kaçi për të kryer marrëdhënie seksuale me Safet Gjicin: Ia morën videon me forcë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi