Vjedhja e veturave, Policia e Tetovës bën thirrje për kujdes nga qytetarët
Edhe këtë vit vijon vjedhja e automjeteve në rrugët e Tetovës. Ndonëse deri më tani autoritetet e sigurisë në këtë qytet kanë bërë të ditur se nuk bëhet fjalë për grup të organizuar që vjedhin automjete, megjithatë herë pas here kjo dukuri shfaqet. Së fundmi një banor i Tetovës ka denoncuar se i është vjedhur vetura gjatë ditës së hënë. Lajmin e ka bërë të ditur policia e Tetovës.
“Pesëdhjetenjë vjeçari me iniciale B.K. nga Tetova, të hënën në ora 7:40 në Sektorin për Punë të Brendshme në Tetovë ka raportuar se një ditë më parë persona të panjohur i kishin vjedhur automjetin e tij ngarkues “Ford Courier” me targa të Tetovës, të cilin e kishte parkuar në rrugën “107″ në Tetovë me çelësat në bravë. Merren masa për gjetjen e automjetit dhe zbardhjen e rastit” njoftoi zëdhënësi i Sektorit për Punë të Brendshme në Tetovë, Fatmir Rexhepi.
Nga ana tjetër, zakonisht sipas raportimeve të policisë së Tetovës, veturat apo automjetet e ndryshme që vidhen në këtë qytet, shfrytëzohen nga hajnat për të kryer ndonjë vjedhje dhe më pas të njëjtat lihen në rrugë sërish. Së këndejmi, Sektori për Punë të Brendshme në Tetovë rikujton dhe në të njëjtën kohë paralajmëron se disa pronarë të automjeteve në rajonin e Pollogut i lënë automjetet të pasigurta, gjegjësisht me çelësat brenda në automjet. Me këtë, hajnat e kanë shumë të lehtë që të marrin veturën dhe të kryejnë vjedhje.
“Kjo i bën automjetet një ‘pre’ shumë tërheqëse për vjedhësit. Kjo, veçanërisht nëse automjetet lihen në rrugë të pa ndriçuara, rrugë anësore dhe jo të frekuentuara dhe për këtë shkak, Sektori për Punë të Brendshme Tetovë përsëri u bën apel pronarëve të tyre që t’u sigurojnë atyre pajisje cilësore para se të largohen dhe t’i mbyllin ato”, thotë zëdhënësi Rexhepi.
Gjithashtu, pronarët e automjeteve sugjerohen që të mos lënë gjësende me vlerë në veturë. “Po ashtu kërkohet që të mos lihen laptopë, celularë, komplete, syze dielli, pajisje lëkure dhe sende të tjera me vlerë në sediljet e automjeteve, të cilat mund t’i joshin shumë hajdutët dhe t’i inkurajojnë ata të depërtojnë me forcë”, thotë ai.
Sipas një raporti të mëhershëm të policisë, gjatë tre viteve të kaluara në rajonin që mbulon ky sektor, gjithsej janë vjedhur 73 automjete. Rastet e vjedhjes së veturave ishin rritur dukshëm në vitin 2018, ku gjithsej ishin vjedhur 42 vetura, kurse 39 prej tyre ishin gjetur dhe kthyer pronarëve, kurse 3 automjete të vjedhura ende janë në kërkim.
Sektori për Punë të Brendshme në Tetovë vazhdimisht realizon aktivitete parandaluese për mbrojtjen nga vjedhjet e rënda në shtëpi, banesa dhe automjete, të cilat janë vendet më të zakonshme ku kryhen vjedhje të tilla./Koha.mk/
Promo
Reklamo këtuLufta Prigozhin - Putin
Më shumëKSHZ publikon rezultatet e para përfundimtare, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Iu mori shokëve një milion euro duke mashtruar për vetëvrasje: "Unë po i jap fund jetës, amanet gruan dhe dy djemtë"
Zgjedhjet në RMV, Abdixhiku: Sikur shqiptarët të bëheshin bashkë me një kandidat, sot do të ishin në balotazh
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën