Nga: Stephen Bush / The Financial Times
Përkthimi: Telegrafi.com
Zakonisht, mesi i verës është koha kur studiot e mëdha të filmit nxjerrin prodhimet fitimprurëse: filmat për të cilët kanë shpenzuar më shumë para dhe që kanë shpresat më të larta në aspektin komercial.
Për këtë vit kjo do të thotë se [filmi] Oppenheimer – biobiku për fizikanin që ia dha botës bombën atomike – dhe [filmi] Barbie – historia ironike e një bote të trilluar të sunduar nga kukullat plastike – ndanë së bashku kohën e njëjtë të premierës.
Memet që nxisnin garën dhe dallimet e supozuara midis audiencës së synuar të të dy filmave (burra seriozë të shkencës me kostume të errëta për Oppenheimer-in, gra të veshura në ngjyrën rozë për Barbie-in) çuan në shakat e përhapura rreth Barbenheimer-it: përvoja – një pas një – e shikimit tri orësh të polemikës bërthamore dhe komedisë dy orë e gjysmë të gjatë për lodrën [e kompanisë] Mattel.
Për disa, shakaja ishte mundësi për argëtim të lehtë – ndërsa, për ekipet e marketingut u bë shans për të shtuar vëmendjen që kishte të bënte për filmat e tyre. Por, kinofilët e tjerë e morën këtë shumë seriozisht, me 200 mijë njerëz që i panë të dy filmat në ditën e premierës vetëm në ShBA, dhe shumë të tjerë që vendosën t’i shihnin të dy filmat në tandem.
Suksesi financiar i të dy pjesëve të Barbenheimer-it ishte pjesë e ndryshimit të lojës në ekranin e argjendtë. Filmat me superheronj, kaq dominues që nga publikimi i Iron Man-it më 2008, kohët e fundit kanë pasur vështirësi në nxjerrje të profitit. Rezultati i ri i përfitimit të Hollivudit duket se është jehonë për historitë e kohëve të fundit dhe për lodrat me të cilat jemi rritur: ngjitur mes Barbie-it (në vendin e parë) dhe Oppenheimer-it (në vendin e tretë) në arkat globale të vitit 2023 rri ulur edhe The Super Mario Bros Movie.
Sa i përket pyetjes së cilës duhet ta shihni së pari: përgjigjja është e qartë. Duhet të shikoni Oppenheimer-in, pastaj Barbie-in: sepse bota e Barbie-it është ajo që e krijoi Oppenheimer-in. /Telegrafi/
Lufta Prigozhin - Putin
Më shumëParaqitja e tmerrshme e Mbretëreshës së ndjerë flet për fundin e epokës së statujave
Kështu foli Nietzsche: Të jetuarit është vuajtje, të mbijetuarit është gjetja e një kuptimi për vuajtjet!
Duhet ...
Leksion për studentët e artit
Fjalë të urta angleze: Miku në pushtet është mik i humbur
Vdis, pastaj të të dua
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë