Song of Nunu është video-loja më e re nga Tequila Works në bashkëpunim me Riot Forge.

Video-loja më e re nga zhvilluesi Tequila Works në bashkëpunim me publikuesin e video-lojërave Riot Forge, pritej të lansohej me datën 30 mars të 2022.

Song of Nunu tani me sa duket është shtyrë për një datë të mëvonshme, e cila ende nuk është bërë e ditur por çfarë dimë saktësisht për lojën?

Në video-lojën Song of Nunu, lojtarët ndjekin Nunu, një hero i video-lojës League of Legends, në një kërkim ndërsa ai kërkon për nënën e tij të humbur. Nunu vjen i pajisur me një flaut magjik që i mundëson atij të krijojë elementë të ndryshëm, të krijojë shtigje me dëborë dhe të zgjidhë sfidat që lojtarët do të hasin natyrshëm gjatë lojës.

Reklama
Reklama

Në përshkrimin zyrtar të lojës shkruhet:

“Zbuloni sekretet, mitet dhe legjendat e varrosura thellë në tundrën e ngrirë së bashku me mikun tuaj më të mirë, një Yeti të mençur dhe lozonjar të quajtur Willump, dhe shpalosni një histori frymëzuese një enigmë një nga një”. /Telegrafi/