Kryetari i Kuvendit të Kosovës, Kadri Veseli, ka thënë në hapje të Javës së Gruas 2018 se Kosova ka gra të suksesshme dhe mund të krenohet me to, ndërsa ka bërë thirrje për më shumë përfaqësim të grave në vendimmarrje.
Ai tha se Kosova ka dhënë shembuj se si institucionet kryesore të vendit u janë besuar për udhëheqje grave: Presidencë, Gjykatë Kushtetuese, Komision Qendror të Zgjedhjeve, zëvendëskryeministre, ministre, ambasadore.
“Natyrisht, kjo nuk është e mjaftueshme. Por, janë shenja dhe zhvillime pozitive që duhet të vazhdojnë dhe përfaqësimi i grave në vendim-marrje duhet të rritet në përputhje me legjislacionin që vetë e kemi miratuar”, ka thënë ndër të tjera Kryeparlamentari Veseli.
“Në gjithë këtë periudhë të gjatë, që nga paslufta e deri me sot, programet e NDI dhe USAID kanë pasur efekt shumë pozitiv në fuqizimin e vlerave dhe institucioneve demokratike në Kosovë. Një ditë, kur do të shkruhet historia e shtetndërtimit të Kosovës, emrat e këtyre dy organizatave do të kenë një vend meritor në faqet e kësaj historie. Një falënderim të veçantë e kam për grupin e grave deputete në Kuvendin e Kosovës. Me përkushtimin dhe angazhimin e tyre të drejtpërdrejtë, ky grup, nga viti në vit, po shënon progres në avancimin e agjendës gjinore në shoqërinë kosovare”, tha Veseli.
Ai tha se vendi ka shënuar rezultate të rëndësishme gjatë dekadës së parë të pavarësisë.
“Në dekadën e dytë, na presin sfida të reja, përgjegjësi të mëdha dhe objektiva të qartë në interes të vendit dhe qytetarëve. Para së gjithash, është objektivi i zhvillimit ekonomik dhe përmirësimit cilësor të jetës së qytetarëve tanë. Barazia gjinore përbën njërin nga kushtet themelore në arritjen e këtij objektivi. Nuk mund të ecim përpara në zhvillimin ekonomik, duke pasur nëpër këmbë barrierat që privojnë gjysmën e popullatës nga pjesëmarrja në proceset politike dhe ekonomike të shoqërisë. Nuk ka zhvillim për ato shoqëri – ku gratë janë minoritet në politikë dhe në ekonomi. Duhet t’i heqim barrierat. Nuk ekziston alternativë tjetër. Jo vetëm me fjalë e retorikë, por me vendime e veprime konkrete. Ka ardhur koha e rezultateve të prekshme. Këtë e presin qytetarët nga ne”, tha kryetari i Kuvendit.
Ai tha se problem themelor mbetet fakti se ligjet janë të mira, por zbatimi i tyre çalon në shumë segmente.
“Ka një neglizhencë serioze në zbatimin e ligjeve që adresojnë barazinë gjinore. Kjo neglizhencë buron nga mentalitetet e vjetra dhe kultura e së drejtës zakonore, të cilat kodifikojnë: paragjykimin dhe diskriminimin e grave në shoqëri, diskriminimin e tyre në tregun e punës dhe biznes, në fushën e të drejtave civile, në kontestet gjyqësore e familjare, në përfshirjen institucionale dhe mos-raportimin e dhunës në familje”, tha kreu i Kuvendit.
“Sot kemi shtetin e pavarur dhe sovran, që duhet ta udhëheqë lëvizjen gjithë-qytetare për t’i dhënë fund Kanunit të Pabarazisë Gjinore. Ky Kanun i privilegjon burrat, prandaj gratë nuk duhet të mbështeten shumë në ‘vullnetin e mirë’ të burrave dhe fjalorin e tyre plot demokraci dhe emancipim. Shumë prej tyre, ende besojnë në mitin se pushteti i burrave në familje, shoqëri e shtet, është pushtet i natyrshëm dhe i pandryshueshëm. Ky është mit i rrejshëm dhe sot i dëmshëm e pengues në përparimin e vendit”, u shpreh kryeparlamentari.
Veseli tha se Kosova mund të krenohet me gratë e suksesshme që ka dhe me nivelin e përgjegjshmërisë dhe llogaridhënies që ato kanë treguar. /Telegrafi/
Promo
Reklamo këtuLufta Prigozhin - Putin
Më shumëPas largimit të Escobarit dhe Lajçakut, Serwer: Lamtumirë dështimit, dialogu kërkon riformatim
Pamjet e fundit para tragjedisë, Alma dhe fëmijët nisen drejt urës së Bunës
Tragjedia në Shkodër, prokuroria zbulon mesazhet ofenduese dhe tradhtinë në celularin e bashkëshortit të Alma Arrazit
Eurodeputeti holandez, Reuten: Kosova e meriton të bëhet anëtare KiE-së
Kusari-Lila demanton Vlora Çitakun: Me PDK-në s’kemi biseduar për zgjedhjet
Gjenerali amerikan, Garffer merr detyrën e shefit të shtabit të KFOR-it në Kosovë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Dy ushtarakë e poshtërojnë Vladimir Putinin - nuk pranojnë ta përshëndesin presidentin rus
Mësohet arsyeja pse nuk ndërhyri VAR-i te goli i anuluar i Bayern Munichut ndaj Real Madridit
Besa dështon ta kualifikojë Shqipërinë në finalen e "Eurovision 2024"
Granit Xhaka, lojtar i ndeshjes Bayer Leverkusen 2-2 Roma: Statistikat e tij janë fantastike
Lista e 50 klubeve më të vlefshme të futbollit: Man Utd lë pas Real Madridin, ngjiten klubet e MLS
Teuta Selimi injoron tërësisht raportimet në media për dhunën nga burri dhe vëllai - paralajmëron koncertin e radhës në Zvicër