Kryetari i Kuvendit të Republikës së Kosovës, Kadri Veseli është shprehur i bindur se këtë javë do të ratifikohet Marrëveshja e demarkacionit me Malin e Zi.
“Kjo do të jetë java vendimtare e përfundimit të dramës së ratifikimit të marrëveshjes së shënimit të kufirit me Malin e Zi. Është një temë e cila është duke i shqetësuar qytetarët e Kosovës. Qytetarët e meritojnë që kjo çështje të zgjidhet definitivisht. Jemi duke punuar intensivisht dhe mund të them se gjatë kësaj jave do ta kemi përfundimin e kësaj drame. Falënderoj të gjithë faktorët politikë. Ka një konsensus, duhet edhe pak përkrahje, por besoj shumë fuqishëm se brenda javës do ta përfundojmë”, ka theksuar Veseli për RTK-në.
Sa i përket ndonjë marrëveshje edhe me Lëvizjen Vetëvendosje dhe me Listën Serbe, kryeparlamentari Veseli ka thënë se janë duke u zhvilluar kontakte intensive.
“Mund të them se që nga java e kaluar kemi kontakte të përditshme, çdo orë me partnerët tanë qoftë nga koalicioni, qoftë nga opozita dhe i falënderoj për korrektësinë. Besoj shumë që do ta arrijmë konsensusin në mënyrën që ta përfundojmë këtë dramë, e cila i ka shqetësuar qytetarët dhe që po i mban të bllokuar. Qëndrimi im dhe i PDK-së për këtë çështje ka qenë i qartë, por tashmë ka ardhur momenti ta përfundojmë këtë temë dhe do ta përfundojmë bashkërisht këtë javë. Javën e ardhshme Këshilli Evropian do të mbajë një takim dhe ne duhet të zëmë afatet të cilat ndërlidhen me çështjen e madhe për qytetarët tanë – liberalizimin e vizave. Vendimi ynë këtë javë do të thotë një shpresë e madhe për qytetarët tanë që të lëvizin lirshëm në fund të këtij viti me liberalizimin e vizave, kështu që angazhimi im është që kjo çështje të kryhet këtë javë”, ka shtuar tutje Veseli.
Ai ka theksuar se ka një vullnet plebishitar të qytetarëve dhe askush nuk ka të drejtë t’i mbajë ata të bllokuar.
“Askush nga ne nuk ka të drejtë t’i mbajë të zhgënjyer dhe të izoluar dhe ne do ta votojmë demarkacionin, sepse kjo është në interes të qytetarëve, është interes i sovranitetit tonë dhe e them edhe një herë jemi në tone shumë optimiste në përfundimin e konsensusit”, ka nënvizuar kryeparlamentari./Telegrafi/
Promo
Reklamo këtuLufta Prigozhin - Putin
Më shumëShkarkohet kryetari i sindikatës së Policisë së Kosovës
Thaçit i shkojnë për vizitë në Hagë prindërit e tij
Ambasadori italian: Letra e Gërvalles e pa vlefshme, propozimi i BE-së të dërgohet në Kushtetuese
Takimi Kurti-Allen, kryeministri shpreh shqetësimin për kërcënimet nga Serbia dhe lënien në liri të Radoiçiqit
Arratiset Enver Sekiraqa, policia ka informuar të gjitha vendkalimet kufitare
Nënsekretarja amerikane pas takimit me Kurtin: Kosova i takon BE-së dhe NATO-s
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Gjithçka çfarë ndodhi në meçin e shekullit mes Oleksandr Usyk dhe Tyson Fuyt, ku ukrainasi u shpall kampion i padiskutueshëm
Gjithçka gati - Fury dhe Usyk futen në ring
Oleksandr Usyk shpallet kampion i padiskutueshëm i peshave të rënda në boks
"Unë nuk do të ulem këtu të qaj dhe të kërkoj justifikime" - Tyson Fury flet pas humbjes
Arratisja e Enver Sekiraqes, flet avokatja e tij
Arratiset Enver Sekiraqa, policia ka informuar të gjitha vendkalimet kufitare