Ish-banorja e Big Brother VIP Kosova 2, Vesa Vllasaliu, ka ndarë me ndjekësit disa momente të veçanta me partnerin e saj, futbollistin Mirlind Daku.
Edhe pse lidhjen e kanë mbajtur të fshehtë nga vëmendja publike, për muaj me radhë është folur për romancën mes tyre.
Në media janë raportuar raste kur Vesa është parë duke e përkrahur Dakun në ndeshje të ndryshme, përfshirë edhe së fundmi në stadiumin Air Albania, gjatë përballjes ndaj Letonisë.
Foto: Vesa Vllasaliu / Instagram
Sot, Vesa ka publikuar disa fotografi të reja në rrjetet sociale, ku shihet pranë futbollistit në momente të ëmbla.
Në njërën prej fotove, ajo shfaqet duke e puthur të dashurin, ndonëse ka zgjedhur të mos e zbulojë plotësisht portretin e tij, duke ruajtur disi privatësinë e lidhjes.
Foto: Vesa Vllasaliu / Instagram
Postimet e saj sugjerojnë se çifti po feston një moment të rëndësishëm në marrëdhënien e tyre – me shumë gjasë përvjetorin e lidhjes – duke qenë se paraprakisht ajo ndau në Instagram edhe një dhuratë në formën e një buqete me lule.
