Shtëpi banimi, lokale afariste e rrugë në disa pjesë të Kosovës u vërshuan nga reshjet e shiut që kanë rënë pa ndërprerë gjatë këtyre ditëve.

Edhe gjatë së martës qytetarët po ballafaqohen me probleme në disa rrugë të vendit.

Shkak i ujit, është bllokuar edhe rruga Sllatinë-Vragoli-Prishtinë, e ku janë krijuar edhe kolona të gjata.

E bllokuar është edhe rruga që të shpien nga Fushë Kosova për në Vragoli.