Kryeministri i Kosovës, Albin Kurti ka njoftuar sot në mbledhjen e Qeverisë ka kërkuar nga Agjencia Kadastrale e Kosovës që ta zbatojë vendimin e Gjykatës Kushtetuese për t’ia regjistruar pronën Manastirit të Deçanit.
Kurti, ka deklaruar se Qeveria e Kosovës ka qenë para dy opsioneve, të zbatojë vendimin e Gjykatës Kushtetuese e të mundësohet ecja tutje me qëllim anëtarësimin në Këshillin e Evropës këtë vit, ose heqja e çështjes së Kosovës nga agjenda e anëtarësimit.
Sipas Kurtit, vendimi është marrë “duke u prirë nga arsyeja e shëndoshë”.
Vendimin e Qeverisë për pronën e Manastirit të Deçanit po e kundërshton Lidhja e Historianëve të Kosovës “Ali Hadri” – dega e Deçanit.
Sipas kryetarit të Lidhjes së Historianëve të Kosovës “Ali Hadri” të degës së Deçanit, Shkodran Imeraj, zbatimi i vendimit të Gjykatës Kushtetuese për pronat në Deçan është sulmi më i madh që i është bërë rendit juridik e kushtetueses së Republikës së Kosovës që nga hyrja në fuqi të Kushtetutës në vitin 2008.
“Sot është një ditë zie për Kosovën, jemi të befasuar dhe tepër të indinjuar, shumë të shqetësuar me vendimin e kryeministrit të Qeverisë së Kosovës, Albin Kurti… Zbatimi i vendimit të Gjykatës Kushtetuese të Kosovës për pronat në Deçan është sulmi më i madh që i është bërë rendit juridik e Kushtetues të Republikës së Kosovës që nga hyrja në fuqi të Kushtetutës të Kosovës në vitin 2008… Jemi të befasuar me qëndrimin e kryeministrit Kurti, i cili i ka kërkuar Agjencisë Kadastrale të Kosovës që të zbatojë vendimin e Kushtetutës për pronat në Deçan dhe duke i dhuruar 24 hektarë prona Manastirit të Deçanit në vendimet e kohës së Milosheviqit si dhe me qëndrimin e kryediplomates Gërvalla, e cila mezi kishte pritur të njoftonte Asamblenë e Këshillit Evropian, se Kosova sot i zbatoi vendimet e Milosheviqit”, thotë Imeraj.
Imeraj shton se kanë kërkuar ndihmën e juristëve dhe avokatëve me të mirë që lënda të trajtohet dhe të përgatitet në mënyrë për të dërguar në gjykatën e të drejtave të njeriut në Strasburg.
“I rikujtojmë kryeministrit Kurti, se ai shkeli mbi qëndrimin e tij, mbi dy dekada sa i takon Manastirit së Deçanit… Për ne, vendimet e kohës së Milosheviqit janë të papranueshme dhe duhet të jenë të papranueshme edhe për të gjithë qytetarët e Republikës sonë, e cila është ndërtuar mbi gjakun e bijve dhe bijave më të mirë të kombit shqiptar…Me sot po hapet udha e precedentëve të rrezikshëm për Kosovën duke nisur që nga Kisha në pronën e Universitetit të Prishtinës dhe për të vijuar më shumë kisha e manastire të tjera gjithandej territorit të Kosovës që i ndërtoi regjini i Milosheviqiti… Ne përpjekjet tona nuk do t’i ndalim as në vijim si për të mbrojtur këto prona dhe qysh sot ne kemi kërkuar ndihmën e juristëve dhe avokatëve me të mirë që lënda të trajtohet dhe të përgatitet në mënyrë për të dërguar në gjykatën e të drejtave të njeriut në Strasburg”, shton ai.
Ndërkaq, Emisari i Shteteve të Bashkuara të Amerikës për Ballkanin Perëndimor, Gabriel Escobar, ka deklaruar sot se vendimi për tokat e Manastirit të Deçanit është i rëndësishëm dhe një hap i domosdoshëm, ndonëse i vështirë për institucionet e Kosovës. /KP/
Promo
Reklamo këtuLufta Prigozhin - Putin
Më shumëNga Rubrika
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Dashtevski: Jemi të përgatitur për zgjedhjet, rezultatet e para do të shpallen para mesnate
Ambasadori i Finlandës: Anëtarësimi i Kosovës në NATO do të bëhet realitet
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Alarmi i Alicia Kearns për Ballkanin, politologët komentojnë deklaratën e deputetes britanike
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
“Paratë, ose do të vras djalin”, polici kërcënon qytetarin se nuk i dha ryshfet
Parlamenti britanik miratoi mocionin e Alicia Kearns për Kosovën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit