Një person rreth moshës 60 vjeçare  ka ndërruar jetë në xhaminë tek Bashkësia Islame e Kosovës, në Prishtinë.

Ngjarja sipas dëshmitarëve ka ndodhur rreth orës 13:00, në kohën e faljes së xhumasë.

Sipas dëshmitarëve të rastit, personi ishte duke marrë abdes për faljen e xhumasë, me ç’rast pësoi sulm në zemër (infarkt).

“Ishte duke marrë abdes dhe papritmas u rrëzua. Kishte pësuar infarkt”, tha ky dëshmitar.

Më tej, dëshmitarët treguan për Telegrafin se mjekët e emergjencës konstatuan vdekjen e 60-të vjeçarit në vendin e ngjarjes. /Telegrafi/