LAJMI I FUNDIT:

Vdekja e dyshimtë e Fadil Syleviqit – një i afërm i tij deklaroi se pati sulm kardiak

Vdekja e dyshimtë e Fadil Syleviqit – një i afërm i tij deklaroi se pati sulm kardiak

Ish-pjesëtari i Policisë, Fadil Syleviqi, u gjet i vdekur në një mal, në afërsi të liqenit të Badovcit.

Gjatë ditës së sotme në vendin e ngjarjes kanë dalë ekipet policore, njësiti i forenzikës, Instituti i Mjekësisë Ligjore ndërsa për tërheqjen e trupit janë thirrur Forcat e Sigurisë së Kosovës.


FSK është dashur të intervenonin për të larguar trupin e pajetë.

Siç raportohet, të afërm të tij që kishin qenë bashkë me Syleviqin pasditen e së premtes, kanë thënë që pati një sulm kardiak.

Valdet Syleviqi ka thënë për arbresh, se ai kishe pësuar sulm në zemër(atak kardiak).

“Ai ka qenë duke ecur rreth orë 12:00 të paradites së sotme për një moment ka pësuar një sulm dhe më pas ka vdekur në vendin ngjarjes”, ka thënë shkurt djali i axhës së tij, Valdeti.

Mirëpo nga ekspertët mjekësorë nuk është konfirmuar një gjë e tillë.

Kreu i Drenasit, Ramiz Lladrovci ka reaguar pas vdekjes së Fadil Syleviqit –  të cilin më herët e kishte akuzuar për përfshirje në vrasjen e Dr. Hafir Shalës.

“Nuk do të flas për çështjet që i kam ngritur më herët, por, djali Gentrit Hafir Shala dhe familja e nderuar Shala, nuk ka vend ku të vendos lule për babanë e tij, për mjekun e UÇK-së, atdhetarin e paepur Dr. Hafir Shala. Nuk dua të flas për ata që vdesin, por, sërish dua të pyes institucionet e drejtësisë: Kush duhet ta dijë se ku prehen eshtrat e atdhetarit të madh të kombit, Dr. Hafir Shala. Athua e kanë kryer obligimin e vet institucionet e drejtësisë të Republikës së Kosovës”, shprehet ai.

Emri i Syleviqit, është përmendur edhe nga i dënuari për vrasje, Shkumbin Mehmeti, i cili më parë kishte rrëfyer për vrasjet e pasluftës në Kosovë.

Mehmeti akuzoi Syleviqin se ka urdhëruar disa vrasje gjatë kohës kur grupi i tyre kriminal ishte duke funksionuar.

“Polici Fadil Syleviqi është i përshirë në shumë vrasje”, kishte thënë shkurt Mehmeti, duke mos treguar specifikisht në cilat./Telegrafi/