Vazhdojnë sulmet mbi Moskë, droni i ukrainasve godet një ndërtesë në qendër të qytetit – publikohen pamjet në rrjetet sociale

Një dron i ukrainasve goditi një ndërtesë në Moskë, duke shkaktuar një shpërthim që u dëgjua në të gjithë zonën e biznesit të qytetit, njoftuan burimet ruse.

Kryebashkiaku Sergey Sobyanin tha se mbrojtja kundërajrore rrëzoi një dron, mbetjet e të cilit ranë në Qendrën Expo të qytetit. Ky është i fundit në një seri sulmesh të tilla në kryeqytetin rus, transmeton Telegrafi.

Pamjet në mediat sociale tregojnë tym që ngrihet në qiellin e Moskës, në anën tjetër ende nuk ka komente nga Ukraina lidhur me sulmin.

Lexo po ashtu Shefi i NATO-s heq dilemat: Vetëm ukrainasit mund të vendosin kushte ndaj Rusisë

Sulmi ndodhi rreth orës 4:00 të mëngjesit me orën lokale, njoftoi Ministria ruse e Mbrojtjes në Telegram.

Ai tha se pas aktivizimit të sistemeve të mbrojtjes ajrore të qytetit, droni “ndryshoi rrugën e tij të fluturimit” dhe u përplas në një ndërtesë në Krasnopresnenskaya Embankment, një pjesë e Moskës që është shtëpia e një numri ndërtesash qeveritare.

Sobyanin shtoi se mbeturinat nuk shkaktuan zjarr dhe se askush nuk u lëndua, ndërsa tha se droni nuk shkaktoi “ndonjë dëm të konsiderueshëm” në Qendrën Expo.

⚡A new video of the moment of the explosion caused by a UAV hitting the Moscow City building has been posted online. https://t.co/PamDuTy7SS pic.twitter.com/7WkhFA6lAz

— BLYSKAVKA (@blyskavka_ua) August 18, 2023

Moped drones over Moscow. Explosions can be heard.

Source: https://t.co/cXLETnrwYh#Russia #Moscow pic.twitter.com/omZyVVPn2x

— (((Tendar))) (@Tendar) August 18, 2023