LAJMI I FUNDIT:

Varroset i riu që humbi jetën në punishte, Ibrahimi thotë 270 gjobat e inspektoratit nuk po japin efekt (Video)

Varroset i riu që humbi jetën në punishte, Ibrahimi thotë 270 gjobat e inspektoratit nuk po japin efekt (Video)

Sot është varrosur 22 vjeçari, Krenar Jemini, i cili e humbi jetën ne vendin e punës. E numri i madh i vdekjeve në vendin e punës është mjaft shqetësues në Kosovë. Nga Inspektorati i Punës thonë se pavarësisht masave të marra nuk ka pasur efekte në uljen e kësaj dukurie.

I është dhënë lamtumira e fundit, Krenar Jeminit, 22 vjeçarit që humbi jetën në vendin e punës një ditë më herët.

Kompania ku i ndjeri humbi jetën, “Lab Oil” përmes një komunikate ka bërë të ditur se punëtori i tyre ka shkarë në shiritin transportues të fabrikës.

“Aksidentalisht ka humbur jetën punëtori ynë, Krenar Jemini (1997). I ndjeri Jemini në momentin kritik ka qenë duke kryer punët e tij në fabrikë dhe ka shkarë në shiritin transportues të fabrikës, ku ka marrë lëndime vdekjeprurëse. Kompania ‘Lab-Oil’ me anë të kësaj komunikate dëshiron që të bëjë me dije për opinionin se kjo është e vërteta e ngjarjes tragjike që ka ndodhur në kompaninë tonë”, thuhet në njoftim.

Dukuria e vdekjeve në punishte në mungesë të sigurisë, po vazhdon të jetë shqetësuese në vendin tonë.

Kryeinspektori i Punës, Basri Ibrahimi tha se për zvogëlimin e kësaj dukurie Inspektorati i Punës ka shqiptuar një numër të madh të gjobave për kompanitë, por, siç thotë ai, pavarësisht kësaj, numri i vdekjeve në vendin e punës vazhdon të jetë i lartë.

“Vitin e kaluar ne kemi marrë masa shumë rigoroze, duke pezulluar punimet në 120 punishte në Prishtinë dhe më shumë se 20 në Gjilan. Në pjesët tjera të Kosovës nuk kemi arritur edhe për shkak të numrit të vogël të inspektorëve… Kemi shqiptuar gjoba më shumë se çdo herë tjetër por gjendja ende nuk është e mirë. Nuk është e kënaqshme edhe gjendja në këtë vit. Dje ndodhi një rast vdekjeje në vendin e punës. E kemi edhe një rast tjetër të dyshimtë të pa verifikuar, ndoshta edhe ai mund të jetë aksident në vendin e punës”, deklaroi për RTV Dukagjinin, Basri Ibrahimi.

Ibrahimit më tej tha se gjatë ditës nuk është lejuar të hyj për vizitë në kompaninë ku hubi jetën punëtori pasi sipas tij fabrika ishte e mbyllur dhe pronarët kishin shkuar në varrimin e të ndjerit Jemini.

Sipas statistikave në vend, gjatë vitit të kaluar, për shkak të pasigurisë në vendin e punës, kanë humbur jetën 23 persona, 12 në sektorin e ndërtimit. Në vitin 2017, 19 persona humbën jetë. /RTV Dukagjini/Telegrafi/

Në trend Lajme

Më shumë
Deklaratat kërcënuese të Vuçiqit, reagon Sanduloviq: Kam paralajmëruar se kjo do të ndodh, por BE-ja dhe ShBA-të nuk më dëgjuan

Deklaratat kërcënuese të Vuçiqit, reagon Sanduloviq: Kam paralajmëruar se kjo do të ndodh, por BE-ja dhe ShBA-të nuk më dëgjuan

Lajme
Ndërron jetë ish-shefi i sigurimit të Thaçit, Xhavit Ferizi - Raketa

Ndërron jetë ish-shefi i sigurimit të Thaçit, Xhavit Ferizi - Raketa

Lajme
QKSS: Çfarë është “Projekti 5000” i Serbisë dhe pse duhet të jemi të shqetësuar?

QKSS: Çfarë është “Projekti 5000” i Serbisë dhe pse duhet të jemi të shqetësuar?

Lajme
Deklarimet e Vuçiqit për luftë, deputeti gjerman i reagon ashpër Borrellit e Lajçakut, po e akuzoni Kurtin pa arsye

Deklarimet e Vuçiqit për luftë, deputeti gjerman i reagon ashpër Borrellit e Lajçakut, po e akuzoni Kurtin pa arsye

Politikë
Pak para takimit në Bruksel për çështjen e dinarit serb, Lekaj e Statovci japin qëndrimet e tyre

Pak para takimit në Bruksel për çështjen e dinarit serb, Lekaj e Statovci japin qëndrimet e tyre

Elfije Boletini
Policia në kërkim të Shkelzen Ahmetit nga Gjakova, kërkon ndihmë nga qytetarët për arrestimin e tij

Policia në kërkim të Shkelzen Ahmetit nga Gjakova, kërkon ndihmë nga qytetarët për arrestimin e tij

Lajme
Kalo në kategori