“Varet nga klubi”, ylli i Barcelonës refuzon të mbyllë spekulimet për largim

Ylli i Barcelonës, Ronald Araujo vazhdon ta lërë të hapur të ardhmen e tij këtë verë, pasi uruguaiani është i lidhur me një largim nga klubi. Qendërmbrojtësi 24-vjeçar është përshkruar më parë si ‘i paprekshëm’, por me Blaugranët që kanë nevojë për të ardhura nga shitjet këtë verë, Araujo është një nga asetet që do t’i lejonte ata të fitonin para të konsiderueshme.

Në afatin kalimtar të janarit, ai u lidh shumë me një kalim te Bayern Munich dhe nuk i mohoi bisedimet me skuadrën bavareze.

Bayern thuhet se kishte dy oferta për Araujo të refuzuara, por pritet të rikthehet për të në verë.

Lexo po ashtu Barcelona ka refuzuar dy oferta të mëdha të Bayern Munichut për Araujon

Ndërkohë, Football Espaaa e kupton se Barcelona po punon për një marrëveshje të re për të, por se ka edhe shumë skuadra të Ligës Premier që qarkullojnë.

Pas mposhtjes 3-1 të Napolit në Ligën e Kampionëve, Araujo deklaroi se e ardhmja e tij nuk varet nga ai.

“E ardhmja ime varet nga klubi. Të gjithë e dinë që jam shumë i lumtur këtu te Barça. Dhe shumë mirënjohës për Xavin”, ka thënë Araujo për Sport.

Lexo po ashtu Barcelona në bisedime me Araujon për të ardhmen pas interesimit nga Liga Premier

Araujo mund të jetë thjesht duke e futur topin në fushën e Barcelonës në lidhje me një negociatë për kontratën, por përgjigja e tij sigurisht që lë një mundësi largimi.

Ndoshta pyetja më e rëndësishme është nëse Barcelona mund të përballojë të refuzojë një ofertë të madhe për Araujo këtë verë. /Telegrafi/