Valon Berisha: Duam të fitojmë ndaj Çekisë dhe ta bëjmë Kosovën krenare

Valon Berisha është deklaruar para ndeshjes që Kosova do ta zhvillojë ndaj Republikës Çeke në kuadër të kualifikimeve për Euro 2020.

Mesfushori i ‘Dardanëve’ ka bërë të ditur se anë përgatitur maksimalisht dhe do të mundohen që të kualifikohen në Kampionatin Evropian.

“Do të japim maksimumin për Kosovën. Trajneri do të vendos për formacionin, por kemi pasur lëndime në skuadër dhe nesër do të japim 100% që të fitojmë”, ka thënë Berisha.

“Unë gjithmonë jam i gatshëm, nuk e kam atë problem. Kur jam në Kosovë, unë punoj që të jem i gatshëm dhe të jap maksimumin për skuadrën”.

“Kemi fituar në shtëpi dhe jemi në dijeni se kjo është në finale. Do të shpresojmë që të fitojmë edhe ndaj Anglisë dhe ta bëjmë krenar të gjithë Kosovën dhe të luajmë në Kampionatin Evropian”.

“Do të jetë një lojë më shumë fizike, por duhet të jemi të përgatitur për të gjitha dhe të fitojmë”, ka shtuar më tej mesfushori i Kosovës.

Republika e Çekisë dhe Kosova do të përballen nesër (14 nëntor) në Plzen në kuadër të kualifikimeve për Euro 2020. /Telegrafi/