Valencia – Real Madrid, vendoset data për zhvillimin e ndeshjes së shtyrë

Ndeshja e La Ligës mes Valencias dhe Real Madridit është riplanifikuar të luhet më 2 janar.

Marca ka raportuar se Valencia sugjeroi vetë datën ndërsa Real Madridi ishte më tepër në favor të 5 janarit.

Të dy sugjerimet u konsideruan të arsyeshme nga La Liga që zgjodhi 2 janarin si opsionin përfundimtar.

“Duke analizuar me kujdes propozimet përkatëse, duket e përshtatshme të vendoset që ndeshja të zhvillohet më 2 janar – kryesisht sepse më 5 janar 2025 është caktuar raundi i 32-të i Kupës së Mbretit, në të cilin do të luajnë të dy klubet”, thuhet nga La Liga.

Zyrtari i konkursit gjithashtu vë në dukje se më 5 janar do të mbahet Parada e Tre Mbretërve, ‘një ngjarje me rëndësi të madhe, organizimi i së cilës mund të ndikojë ndjeshëm në rrethinat e stadiumit Mestalla’.

Kjo do të jetë ndeshja e parë e vitit 2025 në futbollin spanjoll i cili do të jetë në pushim nga 23 dhjetori.

Për kujtesë, Valencia – Real Madrid fillimisht u shty për shkak të përmbytjeve të mëdha në rajonin e Valencias. /Telegrafi/