Organizata Botërore e Shëndetësisë (OBSH) tha sot se organizata e saj globale e shpërndarjes së vaksinave, COVAX ka hyrë në një marrëveshje për të shpërndarë qindra miliona doza të vaksinës Johnson&Johnson.

COVAX, i cili ka mbështetjen e OBSH-së dhe Aleancës Globale për Vaksinat dhe Imunizimin, dëshiron të sigurojë shpërndarjen e dy miliardë dozave të vaksinave të coronavirusit deri në fund të vitit 2021.

Çka është programi COVAX dhe si do t’ua shpërndajë vaksinat vendeve të varfra? Çka është programi COVAX dhe si do t’ua shpërndajë vaksinat vendeve të varfra?

Programi synon të marrë të paktën 20 për qind të dozave për popullsinë e kombeve më të varfra në botë, raporton reuters.

Programi njoftoi në fillim të marsit se dëshiron të dorëzojë 237 milionë doza të vaksinës AstraZeneca në 142 vende deri në fund të majit, si dhe dozat e para të vaksinës Pfizer/BionTech.

Vaksina me një dozë e Johnson&Johnson është shumë efektive kundër COVID-19, thotë FDA e SHBA-së Vaksina me një dozë e Johnson&Johnson është shumë efektive kundër COVID-19, thotë FDA e SHBA-së

Vaksina me dozë të vetme e Johnson&Johnson ofron mbrojtje të fortë kundër COVID-19, sipas një analize të rregullatorit amerikan që vendos bazat për një vendim përfundimtar për një vaksinë të re për t’u përdorur për të ndihmuar zbutjen e pandemisë.

Theksojmë se Kosova do të jetë një ndër përfituesit e vaksinave nga ky program ndërkombëtar, i cili ndihmon shtetet e varfra. /Telegrafi/