Vaksina me dozë të vetme e Johnson&Johnson ofron mbrojtje të fortë kundër COVID-19, sipas një analize të lëshuar të mërkurën nga rregullatorët amerikanë që vendos bazat për një vendim përfundimtar për një vaksinë të re për t’u përdorur për të ndihmuar zbutjen e pandemisë.

Sipas mediave të huaja, përcjell Telegrafi, vaksina e përmendur prej kohësh mund t’i ofrojë kombit një opsion të tretë vaksine dhe të ndihmojë në shpejtimin e vaksinimeve duke kërkuar vetëm një dozë në vend të dy.

Shkencëtarët e Administratës së Ushqimit dhe Barnave konfirmuan se në përgjithësi vaksina është rreth 66% efektive në parandalimin e COVID-19 të moderuar deri të rëndë dhe rreth 85% efektive kundër sëmundjes më serioze.

Agjencia gjithashtu tha se vaksina e J&J është e sigurt.

Analiza është vetëm një hap në vlerësimin e FDA-së.

Të premten, këshilltarët e pavarur të agjencisë do të debatojnë nëse provat janë mjaft të forta për të rekomanduar vaksinën.

Me atë këshillë, FDA pritet të marrë një vendim përfundimtar brenda ditësh.

Ndryshe, numri i të vdekurve nga COVID-19 në SHBA arriti në 500,000 këtë javë dhe vaksinimi ka qenë më i ngadaltë se sa shpresohej, i penguar nga vonesat logjistike dhe të motit.

Deri më tani, rreth 44.5 milionë amerikanë kanë marrë të paktën një dozë vaksine të bërë nga Pfizer ose Moderna, dhe gati 20 milionë prej tyre kanë marrë dozën e dytë të kërkuar për mbrojtje të plotë. /Telegrafi/