Ushtria ukrainase përdor një prej pushkëve më të fuqishme kundër rusëve, mund të godasë objektivin deri në afro 7 mijë metra distancë

Ushtria ukrainase po përdor një nga pushkët më të fuqishme që ndonjëherë është prodhuar – Snipex Alligator.

Ajo mund të shkrep plumbin e kalibrit 14.5 mm, në një rreze prej 6.400 metra, transmeton Telegrafi.

E kur plumbi që fluturon me shpejtësi të madhe, krijon masën goditëse prej 12 tonëve, që janë të mjaftueshme për ta shpuar çfarëdo mjeti të blinduar.

Ky snajper i prodhuar nga ukrainasit, po përdoret kundër trupave ruse dhe helikopterëve – duke arritur të penetroj mbi shtresat e blinduara.

Kjo pushkë filloi të përdoret nga ushtria ukrainase që nga viti i kaluar, kurse trupat speciale të ushtrisë britanike i kanë mësuar rekrutët si ta përdorin në fushëbetejë.

Ushtria ukrainase e përdor ndaj ushtarëve rusë dhe mjeteve të lehta të blinduara, pajisjeve për komunikim dhe depove që janë të mbushura me derivate dhe municion – që me një shkrepje të plumbit mund të hidhen në erë.

Ushtarët që janë të pajisur me këtë pushkë, disa prej të cilave janë femra, kishin për objektiv edhe helikopterë dhe fluturaket e tjera që ishin të parkuara në pista.

Raportohet se pushka u përdor nga brigada Azov për ta mbrojtur qytetin e Mariupolit. Ka disa modifikime me qëllim që të mos dëmtohet kraharori i ushtarit kur shtie me të.

Rekordin aktual botërorë për vrasje me snajper nga distanca e mban një snajperist kanadez, i cili në vitin 2017 në Irak arriti të vret një terrorist nga 3.540 metra distancë.

Alligator përdoret për distanca të ngjashme, por shumica e shkrepje ndodhin nga 3.500 deri në 7.000 metra ndaj mjeteve të mëdha të blinduara. /Telegrafi/