LAJMI I FUNDIT:

Ushtarët izraelitë vrasin dy palestinezë

Ushtarët izraelitë vrasin dy palestinezë

Ushtarët izraelitë vranë dy palestinezë gjatë një bastisjeje në pjesën veriore të Bregut Perëndimor, thanë zyrtarët palestinezë.

Ky është konflikti i fundit mes dy palëve këtë vit, duke e bërë vitin 2022 vitin më vdekjeprurës të dhunës në territorin e pushtuar që nga viti 2015.

Bastisja u krye në kampin e refugjatëve Jenin, në pjesën veriore të Bregut Perëndimor, ku forcat izraelite dhe njerëzit e armatosur dhe banorët lokalë përleshen vazhdimisht. Kampi njihet si një bastion i luftëtarëve palestinezë dhe ushtria izraelite shpesh kryen operacione atje, raporton aljazeera.

Zyrtarët palestinezë thanë se ushtarët hynë në kamp herët këtë mëngjes dhe rrethuan një shtëpi. Shkëmbimi i zjarrit dëgjohet në videot e publikuara në rrjetet sociale. Ministria palestineze e Shëndetësisë njoftoi se dy persona u vranë dhe 11 u plagosën, tre prej tyre në gjendje kritike.

Ushtria izraelite tha se kishte arrestuar një person në kërkim dhe raportoi një shkëmbim zjarri në Jenin. Ajo nuk dha detaje të tjera.

Vrasja e sotme erdhi dy ditë pasi dy adoleshentë palestinezë, të moshës 14 dhe 17 vjeç, u vranë nga zjarri izraelit në incidente të veçanta diku tjetër në Bregun Perëndimor.

Që nga fillimi i këtij viti, më shumë se 100 palestinezë janë vrarë në operacionet ushtarake izraelite kundër ekstremistëve dhe mbi 2000 janë arrestuar në bastisjet e natës.

Operacionet ushtarake filluan pas një serie sulmesh palestineze që vranë 19 persona midis mesit të marsit dhe fillimit të majit. /Telegrafi/

Në trend Botë

Më shumë
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Publikohen videot intime në zyre të ushtarakut ukrainas - ai po kërkohet për tradhti kombëtare në Kiev

Evropa
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin

Botë
Ukrainasit rrëzojnë aeroplanin ushtarak rus që kushton gati 80 milionë euro

Ukrainasit rrëzojnë aeroplanin ushtarak rus që kushton gati 80 milionë euro

Evropa
Organizata Botërore Meteorologjike: Ky është një alarm i kuq për botën

Organizata Botërore Meteorologjike: Ky është një alarm i kuq për botën

Botë
Dodik kërkon dëbimin e ambasadorëve të SHBA-së, Britanisë dhe Gjermanisë nga Bosnja

Dodik kërkon dëbimin e ambasadorëve të SHBA-së, Britanisë dhe Gjermanisë nga Bosnja

Bosnja
Derri i egër u shfaq nga hiçi dhe e sulmoi një burrë në Kinë - pamjet dramatike shfaqen në platformat sociale

Derri i egër u shfaq nga hiçi dhe e sulmoi një burrë në Kinë - pamjet dramatike shfaqen në platformat sociale

Azia
Kalo në kategori