Ushqimet e rekomanduara për personat e prekur me acidin urik (Video)
Internistja dhe endokrinologia Venera Berisha-Muharremi këtë javë në emisionin “Shnosh e Mirë” në RTV Dukagjini, ka dhënë këshilla se si duhet të ushqehen personat që kanë të rritur nivelin e acidit urik në gjak.
“Acidi urik është një komponentë normale e gjakut, e cila nëse rritet mbi nivelet normale shkakton vështirësi. Kjo gjendje quhet hiperurikemi dhe te kjo gjendje ndodh që acidi urik i tepërt të deponohet në formë të kristaleve në nyje dhe rreth nyjeve gjë që shkakton inflamacion apo artrit urikemik ose ndryshe glitin, që manifestohet me dhimbje të menjëhershme të papritur të nyjës, skuqje dhe ënjtje dhe zakonisht së pari shfaqet në nyjën e gishtit të madh të këmbës por mund të vazhdojë edhe te nyjet tjera”, tregon doktoresha.
”Kjo sëmundje zakonisht është pasojë e çrregullimit të metabolizmit të proteinave si shkak i defektit gjenetik të trashëguar që kontrollon metabolizmin e purineve. Mirëpo studimet tregojnë se nga kjo sëmundje mund të preken edhe personat me obezitet apo mbipeshë dhe faktori kryesor i paraqitjes së kësaj sëmundje janë personat që ushqehen me shumë purine. Pra ushqimet me mish, produkte të mishit dhe vezët mund të shkaktojnë këtë sëmundje”, thotë Venera Berisha-Muharremi.
Endokrinologia Venera thotë se nga kjo sëmundje janë të rrezikuar edhe personat që konsumojnë sasi të tepërt të alkoolit.
Ajo thotë se personat që veçse janë prekur nga kjo sëmundje, mund ta përkeqësojnë edhe më tepër gjendjen nëse nuk konsumojnë sasi të mjaftueshme të ujit.
“Së pari duhet të largohen kilogramët e tepërt me dietë adekuate të përshkruara enkas nga mjeku dhe duhet të ndalet alkooli. Nuk lejohet të merret mishi i kuq, të brendshmet siç janë mëlçia dhe veshkat, sardinet si dhe supat e mishrave të kuq”.
“…Ushqimet tjera sikurse lulelakra, spinaqi, mishi i shpezëve, peshku, vezët dhe qumështi nuk duhet të konsumohen më tepër se tri herë në javë, për shkak se edhe këto përmbajnë sasi të konsiderueshme të purineve”.
Venera Berisha-Muharremi thotë se janë të lejuara të konsumohen drithërat integrale, supat e perimeve, perimet dhe pemët.
“Rekomandohet që personi që në fazën kur i sëmuri ka dhimbje, ënjtje dhe skuqje të nyjës të kalohet në ushqime vegjetarianë për dhjetë ditë e më pas të kalohet gradualisht në ushqime me mish të lejuar”.
Ajo tregon se uji duhet të konsumohet në sasi të bollshme së paku tri litra në ditë, ndërsa rekomandohet edhe përdorimi i çajrave në mënyrë që veshkat të largojnë acidin e tepërt urik./Telegrafi/
Lufta Prigozhin - Putin
Më shumëNga Rubrika
Cilat vitamina mungojnë nëse ju bien flokët, ju mpihen duart apo keni ngërçe në stomak – çfarë duhet patjetër të hani
Ky është efekti surprizë që ka televizori te cilësia e gjumit dhe hormonet tuaja
Kujdes: Nëse i vëreni këto ndryshme në thonj, mund të jeni në rrezik!
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre