Usher mahnit Londrën me performancën e tij spektakolare në O2 Arena

Usher elektrizoi publikun gjatë natës së parë të serisë së tij të koncerteve në O2 Arena të Londrës.

Ylli i R&B, 46 vjeç, i cili do të performojë në 10 shfaqje gjatë marsit, prillit dhe majit, dhuroi një spektakël të jashtëzakonshëm për fansat e tij të shumtë.

I veshur me një kostum vezullues dhe doreza të zeza lëkure, Usher e dominoi skenën me karizmën dhe energjinë e tij, ndërsa tregoi edhe një herë aftësitë e tij të jashtëzakonshme në kërcim, shkruan DailyMail.

Gjatë koncertit, ai komunikoi me publikun, bëri selfie me të pranishmit dhe krijoi një atmosferë të zjarrtë.

Në mesin e të ftuarve VIP, Maya Jama u pa duke shijuar ritmet e muzikës, ndërsa vetëm pak ditë më parë, Usher tërhoqi vëmendjen duke blerë çanta luksoze Hermes Birkin.

Turneu “Past Present Future”, i cili mbështet albumin e tij më të fundit “Coming Home”, ka qenë një sukses i madh në SHBA dhe Evropë.

Pas performancës së tij në Super Bowl LVIII dhe një rezidence të suksesshme në Las Vegas, Usher po vazhdon të dëshmojë se mbetet një nga artistët më të mëdhenj të muzikës R&B. Turneu do të përfundojë në maj, me dy netët e fundit në O2 Arena, duke mbyllur një kapitull tjetër të suksesshëm në karrierën e tij. /Telegrafi/