Një 8-vjeçar në Gjermani vodhi makinën e prindërve të tij për një shëtitje në autostradë me shpejtësi deri në 140 km/h ka thënë policia.

Sipas mediave të huaja, përcjell Telegrafi, fëmija u gjet në autostradën A44, të mërkurën në mëngjes duke shkuar drejt qytetit të Dortmundit.

Ai kishte vendosur dritat e paralajmërimit të rrezikut dhe kishte vendosur një trekëndësh të vogël paralajmërues pas makinës.

Pasi u gjet, policia tha që djali u tha atyre: “Unë thjesht doja të vozisja pak”, para se të raportohej se shpërtheu në lot.

Ka qenë nëna e fëmijës që ka njoftuar policinë rreth orës 00:25 me kohën lokale se djali i tyre ishte larguar me automjetin e familjes VW Golf nga shtëpia e tyre në qytetin perëndimor të Soest. /Telegrafi/