U mendua si hero, por ishte një hajn – katër vjet burg për njeriun që u kishte vjedhur gjësende viktimave të sulmit në Manchester (Foto)

I pastrehu “hero” i sulmit terrorist të Mançesterit është dënuar me më shumë se katër vjet burg për vjedhje nga viktimat.

Sipas mediave të huaja, përcjell Telegrafi, Chris Parker u tha se nuk ishte “heroi” që ai pretendoi të jetë, por “vetëm një hajdut i zakonshëm”, pasi ai u dënua të martën nga një Gjykatë e Manchesterit.

Parker, 33-vjeçar, më parë ka pranuar se ka vjedhur një çantë dhe një telefon celular nga dy viktima të sulmit të Manchester Arena më 22 maj të vitit të kaluar.

Në kohën e mizorisë, e cila vrau 22 dhe la më shumë se 500 të plagosur, Parker fillimisht pretendoi në televizion se ai kishte qenë duke u kujdesur për të plagosurit.

Parker madje foli se si një grua vdiq në krahët e tij, pasi sulmuesi Salman Abedi shpërtheu një bombë në hyrje të vendit të koncerteve pasi spektatorët lanë një koncert të Ariana Grande.

Madje veprimet e tij të supozuara bënë që njerëzit të jepnin para për të, duke u mbledhur kështu rreth 50 mijë funte.

Por, pasi u kuptua rreth tij, ai nuk do të marrë më paratë – ato do t’u kthehen donatorëve.

Në vend të kësaj, Parker do të shërbejë katër vjet e tre muaj në burg për dy akuza të vjedhjes dhe një akuzë mashtrimi. /Telegrafi/