Elona Caslli
Disa ditë më parë në rrjetet sociale u përballa me një folje në mënyrën dëshirore, të cilën nuk e kisha dëgjuar kurrë më parë: U artësofshi!
Bekim Lumi, një artist nga Kosova, do të krijonte këtë trajtë drithëruese të dëshirores.
Hap nxitimthi fjalorin “Shqip-Shqip” për të parë në ekziston një folje e tillë dhe përballem vetëm me këtë familje fjalësh:
Art, artist, artistik, artistikisht….
Nuk ekziston folja sipas së cilës ti shndërrohesh në art. Filloj ta zgjedhoj me zë në kohë dhe mënyra të ndryshme: Artësohem, artësohesh, u artësova, do të artësohemi, u artësofshi!
Rrjedh natyrshëm zgjedhimi dhe pesha e dëshirores është unike: U artësofsh; u shndërrofsh në art; u shndërrofsh në tingull që ta do shpirti dhe në fjalë që ta do zemra. U artësofsh, njësoj si t’i thuash dikujt “paç jetën e gjatë”.
Kam nevojë ta shoh këtë qënie. Kush është? Përballem me foton e tij. Një kafkë e rrumbullakët, një shikim i mekur dhe një gjysmë buzëqeshje si për të kujtuar kohët e largëta kur qeshej me zë të lartë.
Mediat shkruajnë se ka shkuar përtej jetës, ndonëse unë besoj se ai ka jetuar gjithmonë përtej saj.
Tanimë ai është zhytur në heshtjen pa kthim, por nëse do të mund t’i jepte qoftë edhe një çast të vetëm zë heshtjes së tij, do t’i kërkoja ta shqiptonte me zërin e tij të plotë këtë folje hyjnore: U artësofshi!
Të artësohesh, të jesh pranë të vërtetës, të jesh pranë dhimbjes, të jesh pranë mendimit, të jesh pranë frymës, të jesh pranë njeriut, të jesh pranë së mirës, të jesh pranë dashurisë, të jesh pranë shpirtit, të jesh pranë gjithçkaje ku rreh impulsi i jetës.
Të shkruash për humnerën e njeriut, t’i japësh zë, ta veshësh me fjalë, e fjalët t’i vendosësh në gojën e një personazhi, e personazhin ta ngjisësh në skenë, e ta ndjekësh me sy dhe të kuptosh se të gjithëve na ndan sipërfaqja, por na bashkon humnera.
Dhe të kompozosh, dhe fjalën ta bësh tingull, e tingulli të marrë udhën për të trokitur tek aorta, për t’i shtuar rrahjet, për të thënë se e vërteta ime është edhe e vërteta jote, se mendimi im është edhe mendimin yt, se drithma jote është edhe drithma ime.
Dhe të pikturosh, të derdhësh mbi kanavacë, një gjendje, një shpirt një ndjesi. T’i japësh ngjyrë jetës dhe ngjyrat e saj t’i shpërndash dhe teksa shumë sy do të derdhen mbi atë peizazh të kuptosh se shumë njerëz në heshtje do të thonë: Ky jam unë dhe kjo është ngjyra ime. Unë nuk jam vetëm.
Dhe të përkthesh në gjuhën tënde, një mendje që ka menduar në tjetër gjuhë, që ka jetuar në tjetër vend për të kuptuar së fundmi se e vërteta në jetë nuk ka kombësi dhe se ne të gjithë nuk jemi qytetarë të një qyteti, por qytetarët e një planeti.
Sqarim i Telegrafit: Në rubrikën “7 shkronja”, të edicionit të së dielës të Kohës Ditore, regjisori dhe profesori tashmë i ndjerë, Bekim Lumi, kishte shkruar: “ARTËSIM: Kohë më parë, në përpjekje e sipër për të mos huazuar fjalë të huaja aty ku kjo nuk është e nevojshme, më duket se e krijova një fjalë të re në shqip. ‘Artësim’. Simbas shpjegimit tim, kjo fjalë e ka kuptimin e përmbushjes, të formimit, të lartësimit, të emancipimit, të iluminimit e të fisnikërimit përmes artit. Të gjithë ata që i çmojnë dhe i duan mundësitë e shumta fjalëformuese dhe shprehëse të gjuhës shqipe mund ta përdorin këtë fjalë në formën: ‘artësim’, ‘me artësue’, ‘me u artësue’, ‘të artësosh’, ‘të artësohesh’, apo kur e uron dikë në formën ‘u artësofsh’, ose edhe ‘Zoti të artësoftë’”.
Lufta Prigozhin - Putin
Më shumëHistoria e fisit Shala
Fashizmi ka ndryshuar, por nuk ka vdekur
Kristo Frashëri dorëzoi letrën, ku për të thuhej: Po e drodhi bishtin, këputini një plumb pas qafe!
“Zona e interesit” është portretizimi i fajësisë
Albanologia Margaret Hasluck dhe miqtë e saj
Letrat e vitit 1719 dhe brengat e sotme të jetës në Londër
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes