Në përvjetorin e tretë të përpjekjes për puç në Turqi, autoritetet turke e paralajmëruan Kosovën për, siç thanë, rrezikun e lëvizjes së klerikut fetar turk, Fethullah Gulen.
Ankaraja e fajëson lëvizjen e tij “Hizmet” për grushtshtetin e dështuar, më 15 korrik të vitit 2016.
Ajo u kërkoi autoriteteve në Kosovë që të mos lejojnë që kjo strukturë, e cila, siç u tha, fshihet prapa maskave të pafajshme, “t’i përsërisë në Kosovë të këqijat që i ka bërë në Turqi”.
Ambasadori turk në Kosovë, Çagri Sakar, tha se Kosova nuk duhet të lejojë që kjo organizatë, e cila “nuk është më pak e rrezikshme se (grupi militant) Shteti Islamik, t’i shndërrojë fëmijët kosovarë në armiq të këtij vendi”.
Ai i bëri këto komente të dielën mbrëma në Prishtinë, përpara shfaqjes së dokumentarit “The Network: Fytyra e Errët e Gylenistëve”, i shërbimit publik turk, TRT World. Shfaqja u organizua nga Shoqata e Turqve të Kosovës në Prishtinë.
Në një tjetër ceremoni të hënën, në rezidencën e ambasadorit, ku mori pjesë edhe ministri i Jashtëm i Kosovës, Behgjet Pacolli, Sakar tha se, deri më tash, nga 20 shtete janë dëbuar 110 persona, nën dyshimet se kanë qenë pjesë e lëvizjes së Gulenit.
Ai po ashtu theksoi se Turqia i fton për bashkëpunim të gjitha vendet, ku vlerësohet se vepron kjo organizatë.
“Ky nuk është hap pozitiv vetëm për Turqinë, por edhe për vendet tjera që të pastrohen nga terrorizmi”, tha Sakar.
Ministri i Administratës Publike në Qeverinë e Kosovës, Mahir Yagcilar, njëherësh udhëheqës i partisë më të madhe turke në Kosovë, KDTP, tha se nata e 15 korrikut, 2016, ka qenë “një natë e zezë”, porse në orët e hershme të 16 korrikut “ka lindur një epokë e re dhe ka triumfuar demokracia”.
Pacolli nuk iu drejtua pjesëmarrësve, ndërsa përveç tij, ngjarjen e ndoqën edhe përfaqësues politikë të komuniteteve turke dhe boshnjake.
Yagcilar: Turqia e qëndrueshme, për një rajon të qëndrueshëm
Ministri i Administratës Publike në Qeverinë e Kosovës, Mahir Yagcilar, njëherësh udhëheqës i partisë më të madhe turke në Kosovë, KDTP, tha se nata e 15 korrikut, 2016, ka qenë “një natë e zezë”, porse në orët e hershme të 16 korrikut “ka lindur një epokë e re dhe ka triumfuar demokracia”, shkruan REL.
Ai tha se qëndrueshmëria e Turqisë, aq sa është e rëndësishme për Turqinë, është e rëndësishme edhe për rajonin.
”Qëndrueshmëria e rajonit tonë është e rëndësishme edhe për qëndrueshmërinë e Evropës dhe botës. Rajoni duhet të pastrohet nga të gjitha organizatat terroriste dhe të mbrohet nga përpjekjet për terrorizëm dhe puç”, tha ai.
Kosova, në mars të vitit të kaluar, ka arrestuar dhe dëbuar gjashtë shtetas turq, të cilët kanë punuar në shkollën private “Mehmet Akif”.
Ankaraja dyshon se ata janë anëtarë të lëvizjes “Hizmet” të Gulenit.
Por, arrestimi dhe dëbimi i tyre janë tashmë lëndë e hetimeve nga Prokuroria Speciale e Kosovës, pasi dyshohet se procesi është përcjellë me dhjetëra shkelje.
Më 15 korrik të vitit 2016, fraksione në kuadër të ushtrisë turke kanë përdorur tanke, avionë luftarakë dhe helikopterë, në përpjekje për të rrëzuar qeverinë e presidentit Recep Tayyip Erdogan.
Mbi 250 njerëz janë vrarë dhe mbi 2,000 janë plagosur në përleshjet që kanë ndodhur atë natë.
Gulen, ish-aleat i Erdoganit, e ka mohuar çdo përfshirje në përpjekjen për puç, përkundër akuzave të Ankarasë.
Promo
Reklamo këtuLufta Prigozhin - Putin
Më shumëPse Mali i Zi votoi kundër Kosovës në KiE, flet Dritan Abazoviq
Lajçak me post të ri nga shtatori
Katër votat kundër Kosovës në Këshillin e Evropës dhe një abstenim, gjithçka që duhet të dini
Dyshohet se ishte duke u përgatitur për ta kryer një vrasje, arrestohet i dyshuari në Pejë
Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Madam, stili jot lyp këpucë franceze?
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Më të lexuarat
Pse Mali i Zi votoi kundër Kosovës në KiE, flet Dritan Abazoviq
Akulli polar po shkrihet dhe po ndryshon rrotullimin e Tokës - çfarë do të thotë kjo për njerëzimin
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër
Publikohen videot intime në zyre të ushtarakut ukrainas - ai po kërkohet për tradhti kombëtare në Kiev
Reagon babai i Olti Hysenit, pas deklaratës 'bombastike' të lojtarit të talentuar
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia