Ish-presidenti amerikan Donald Trump u mburr me bashkëpunëtorët e ngushtë se ai dinte sekrete për jetën seksuale të presidentit francez Emmanuel Macron nga burime të inteligjencës amerikane.

Raporti në revistën Rolling Stone vjen pas publikimit të dokumenteve gjyqësore mbi dokumentet e klasifikuara dhe të mbrojtjes kombëtare të gjetura në një kontroll në shtëpinë e Trump në Mar-a-Lago më 8 gusht, të cilat përmendin një dosje të referuar si “info re: Presidenti i Francës”, transmeton Telegrafi.

Mbetet e paqartë nëse dosja për Macron ishte e klasifikuar apo çfarë përmbante. Por Rolling Stone pretendoi se përmendja e saj në inventarin zyrtar të asaj që u kap në Mar-a-Lago shkaktoi një “reagim të madh transatlantik” midis Parisit dhe Washingtonit.

Reklama

Një zëdhënës i ambasadës franceze tha: “Ne nuk komentojmë procedurat ligjore në SHBA dhe … ambasada nuk i ka kërkuar administratës ndonjë informacion në lidhje me dokumentet e marra në rezidencën e ish-presidentit Trump”.

Reklama

As departamenti i shtetit dhe as zyra e Trump deri më tani nuk i janë përgjigjur një kërkese për koment.

Raporti i Rolling Stone tha se gjatë dhe pas presidencës së tij, Trump iu tha disa prej bashkëpunëtorëve të tij më të ngushtë se ai dinte detaje të jetës private të Macron, të cilat ai i kishte mbledhur nga “inteligjenca” që ai kishte parë ose ishte informuar. /Telegrafi/

Reklama