Instituti i Prishtinës për Studime Politike (PIPS), ka publikuar një anketë, në bazë të së cilës kancelarja gjermane, Angela Merkel, me rreth 53 për qind, është liderja më e preferuar e kosovarëve.
Por, sipas anketës, përcjell Telegrafi, pavarësisht faktit se SHBA-në e shohin si partner shumë të rëndësishëm, presidenti Donald Trump, vetëm për 17 për qind të kosovarëve është lideri më i preferuar.
“Kancelarja e Gjermanisë gëzon një popullaritet jashtëzakonisht të lartë ndërmjet qytetarëve kosovarë me 53.5%. Donald Trump, Presidenti i SHBA rangohet i dyti me 17.2%, ndërsa Rexhep Tayyip Erdogan Presidenti i Turqisë renditet i treti me 15.7%”, thuhet në anketë.
Dhe kur bëhet fjalë për Gjermaninë e kancelares Merkel, kosovarët gjithashtu këtë vend e kanë zgjedhur si partneri kryesor ekonomik i Kosovës, rreth 34 për qind e tyre.
Gjithsesi, nëse ka “dyshime” rreth shteteve dhe liderëve të ndryshëm, një organizatë ndërkombëtare mbetet ajo që më së shumti kanë “për zemër” kosovarët.
Bëhet fjalë për aleancën e NATO-s, e cila sipas anketës, 55 për qind e qytetarëve vlerësojnë se është organizata që e ka ndihmuar Kosovën më së shumti, që nga viti 1999.
Gjithashtu, siç thuhet tutje, 73 për qind e vlerësojnë pozitivisht rolin e NATO-s në arenën ndërkombëtare dhe kontributin e saj për paqe.
Siç edhe mund të pritej, kur bëhet fjalë për serbët e Kosovës, 87 për qind e tyre konsiderojnë se presidenti i Rusisë, është lideri më i preferuar botëror.
Përveç këtyre, anketa e Institutit të Prishtinës për Studime Politike (PIPS), me përkrahjen e Konrad Adenauer Stiftung (KAS), ka nxjerrë edhe disa të dhëna rreth tre nga shtetet të cilat vlerësohen si shtetet partnere të Kosovës në politikën ndërkombëtare.
Kështu, si shtete partnere janë cilësuar ato shtete të cilat e kanë përkrahur dhe vazhdojnë ta përkrahin Kosovën në sfera të ndryshme për të arritur objektivat e saj.
SHBA dhe Gjermania janë ranguar dy shtetet kryesore. Ndërsa Shqipëria, Italia, Kroacia dhe Turqia kanë shifra të përafërta.
Ndërsa befasi në këtë përgjigje është rangimi relativisht i ulët i Mbretërisë së Bashkuar, shtet i cili bazuar në trendin e përgjigjeve paraprake pritshmëritë do të ishin që shifra të ishte më e lartë se sa ajo aktuale.
Ndryshe, Instituti i Prishtinës për Studime Politike (PIPS), me përkrahjen e Konrad Adenauer Stiftung (KAS) ka publikuar anketën “Politika Ndërkombëtare dhe Partitë Politike: Perceptimet e Qytetarëve të Kosovës”.
Hulumtuesi i PIPS, Butrint Berisha, në emisionin “Dossier D” në RTV Dukagjini ka folur për rezultatet e anketës dhe metodologjinë e këtij hulumtimi.
Berisha ka thënë se hulumtimi është zhvilluar në 38 komuna të Kosovës, duke përdorur metodën sasiore të hulumtimeve, duke përfshirë edhe komunat e banuara me serbë. /Telegrafi/
Lufta Prigozhin - Putin
Më shumëNga Rubrika
Të dëmtuarit thonë se i akuzuari Bajroviq së bashku me paramilitarët e tjerë i kishin maltretuar gjatë luftës
Inspektorati i Prishtinës në aksion, shqipton gjoba e konfiskon targa
40 studiues shqiptarë dhe të huaj kërkojnë nga qeveria shqiptare mbrojtjen e Deltës së Vjosës
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
A do t'i "shpëtojë" Albin Kurti Asociacionit të komunave me shumicë serbe, flasin analistët
Suspendimi i profesorit Krasniqi pas akuzave për ngacmim seksual, dekani i Fakultetit të Edukimit tregon detaje të vendimit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Ndalohet një shtetas i Kosovës në Maqedoni, kërkohej nga Interpoli
Kurti takon ministren e Jashtme gjermane, falënderon Gjermaninë për mbështetjen e Kosovës drejt anëtarësimit në KiE
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë