Pagesat online në Kinë kanë dëmtuar menjëherë monedhën vendase, si pasojë e tregtarëve që refuzojnë pagesat me anë të parave dhe monedhave. Banka Kombëtare e Kinës ndërkohë po përpiqet të ndalojë dominuesit e tregut në këtë fushë, Ant Financial dhe Tencent.

Sipas iResearch, vlera e pagesave përmes telefonit në Kinë ka arritur 17 trilionë dollarë në vitin 2017. Alibaba, Alipay i Ant Financial dhe WeChat Pay i Tencent e dominojnë këtë sektor, përcjell Telegrafi.

Në vitin 2018 një fushatë kombëtare nga Banka e Kinës identifikoi 602 raste të refuzimit të parave të jashtëligjshme, 558 prej të cilave janë zgjidhur me ndihmën e policisë.

Në korrik, Banka e Kinës u ndje e detyruar të lëshojë një njoftim zyrtar që sqaron se paratë vendase janë një tender ligjor në Kinë dhe se refuzimi i tyre është i paligjshëm.

“Vitet e fundit, ka pasur probleme me qarkullimin e monedhës vendase, dhe reagimi i njerëzve ka qenë intensiv. Konsumatorëve në zonat turistike, restorantet dhe dyqanet e veshjeve u janë refuzuar pagesat me anë të parave, duke dëmtuar kështu statusin ligjor të yuanit dhe të drejtën e konsumatorit për të zgjedhur mënyrën e pagesës”, ka thënë banka. /Telegrafi/