Tre favoritët e Jose Mourinhos për Euro 2024 – por veçon njërin më shumë

Jose Mourinho ka zgjedhur Anglinë, Portugalinë dhe Francën si tri favoritet e tij për të fituar Euro 2024.

Pas humbjes nga Italia në finalen e Euro 2020, Anglia po kërkon të bëjë një hap më tej duke fituar kampionatin e parë evropian këtë verë.

Skuadra e Gareth Southgate është në Grupin C së bashku me Slloveninë, Danimarkën dhe Serbinë dhe rrugëtimi i tyre fillon më 16 qershor.

Lexo po ashtu Mourinho i ka bërë tashmë të qarta ndjenjat e tij për t'u bërë trajner i Liverpoolit

Ndërkohë, Franca do të synojë një tjetër turne të fortë pasi humbi nga Argjentina në finalen e Kupës së Botës në Katar në dhjetor 2022. Skuadra e Didier Deschamps është në Grupin D me Poloninë, Holandën dhe Austrinë.

Portugalia duket e gatshme të impresionojë në Euro 2024 këtë verë, pasi një paraqitje e fortë kualifikuese i pa të fitojë të 10 ndeshjet e tyre. Skuadra e Roberto Matinez është në Grupin F së bashku me Turqinë, Gjeorgjinë dhe Republikën Çeke.

Kur u pyet për parashikimin e tij për Euro 2024, Mourinho tha në një ngjarje nderimi për babanë e tij në Vila do Conde të mërkurën: “Për mua, është një nga tri skuadrat më të forta – Portugalia, Franca dhe Anglia”.

Lexo po ashtu Rikthehen fjalët e Jose Mourinhos që i tha për Xabi Alonson pas shpalljes së Leverkusenit kampion

“Surprizat mund të ndodhin, po. Por duke parë cilësinë dhe sasinë e lojtarëve, mendoj se Portugalia duhet të shkojë atje për të fituar”.

Mourinho gjithashtu zbuloi se ai ishte afër që të bëhej trajner i kombëtares së Portugalisë dhe ka vlerësuar përparimin e ekipit nën drejtimin e Roberto Martinez.

“Kam pasur mundësinë për të marrë përsipër ekipin kombëtar, një mundësi shumë reale”, shtoi Mourinho.

“Tani jemi në Euro, me një trajner që ka bërë një punë të madhe dhe një brez të madh lojtarësh. Dua që të shkojë mirë, që është triumfi”, ka shtuar më tej Mourinho. /Telegrafi/