Trajneri i Argjentinës, Scaloni: Më mirë nëse Lautaro bashkohet me Barcelonën

Lionel Scaloni pranon se është më mirë për Argjentinën nëse Lautaro Martinez luan me Lionel Messin te Barcelona, ​​por shton se Interi tashmë është një ekip i shkëlqyeshëm.

Spekulimet që lidhin Lautaron me Barcën kanë arritur kulmin gjatë pandemisë së coronavirus, dhe Scaloni rrëfen se një veprim në Camp Nou do të ishte pozitiv pasi do rriste mirëkuptimin e sulmuesit me Messin për ekipin e tij kombëtar.

“Nëse Lautaro ka mjaft fat që të luajë me një shok të skuadrës si Messi, atëherë është më mirë për ne”, ka thënë fillimisht Scaloni për RTVE.

Lexo po ashtu Messi me fjalë të mëdha për Lautaron: Është mbresëlënës dhe i kompletuar, ngjan me Suarezin

“Unë mendoj se ai do të jetë sulmuesi që do të vendos kritere për vitet e ardhshme dhe shpresoj se ai mund të bëjë mirë”.

Përkundër kësaj, ish-lojtari i Lazios dhe Atalantas nuk i ka bërë presion sulmuesit të largohet nga Interi, pasi sipas tij ai tashmë është në një ekip të shkëlqyeshëm.

Lexo po ashtu Melo: Lautaro është sulmuesi i së ardhmes, është më cilësor se Lukaku

“Lautaro është një sulmues i shkëlqyeshëm, kështu që ai duhet të luajë për një ekip të shkëlqyeshëm, por ai tashmë është në një ekip të shkëlqyer që garon në nivelin më të lartë, kështu që do të jetë shumë e vështirë ta largosh atë”.

“Megjithatë, nëse ai ndryshon klubet, unë shpresoj që të bëjë mirë”, përfundoi trajneri i Argjentinës. /Telegrafi/