Tottenhami me ofertë për Memphis Depay

Klubi anglez, Tottenham Hotspur thuhet se ka nisur një ofertë për sulmuesin e Barcelonës, Memphis Depay, të cilin e do gjatë verës.

Ylli holandez, Depay është në krye të listës së blerjeve të Spurs për afatin e ardhshëm kalimtar.

Drejtori sportiv i Spurs, Fabio Paratici, ka bërë përparime për të joshur Depay për t’u transferuar në verë te klubi londinez.

Lexo po ashtu Depay e mendon largimin nga Barcelona në verë

Sipas gazetarit të njohur për transferime, Gerard Romero, i cili bëri pretendimet në Twitch të hënën në mbrëmje, Spurs tashmë i kanë bërë një ofertë Depayt pasi ata kërkojnë të forcojnë radhët e tyre në sulm për sezonin e ardhshëm.

Një ofertë është vënë tashmë në vend pasi Spurs synojnë të fitojnë garën me klube tjera, duke bërë ofertë konkrete.

Depay iu bashkua katalunasve vetëm në verë, duke nënshkruar një marrëveshje dyvjeçare pasi arriti në një transferim të lirë pas skadimit të kontratës së tij në Lyon.

Ai do të ishte i etur për të bërë një rikthim më të mirë në Ligën Premier pas vetëm dy golave ​​në 33 ndeshje nën drejtimin e Louis van Gaal dhe Jose Mourinho.

Sulmuesi ka 38 gola mbresëlënës në 75 paraqitje me Holandën dhe pritet të luajë një rol vendimtar në sezonin e tyre në Kupën e Botës në fund të vitit. /Telegrafi/