Sulmuesi i Bayern Munich, Harry Kane, është në shënjestrën e drejtorit sportiv të Barcelonës, Deco, sipas raportimeve më të fundit.
Sulmuesi anglez ndodhet në 18 muajt e fundit të kontratës së tij në Bavari dhe raportohet se ka një klauzolë lirimi që hyn në fuqi verën e ardhshme.
Të mërkurën, në mediat angleze u raportua se Barcelona e ka vendosur Kane si objektivin kryesor në kërkimin e saj për një numër nëntë gjatë afatot kalimtar të verës së ardhshme.
32-vjeçari pritet të jetë i disponueshëm për një shumë prej 65 milionë eurosh, për shkak të një klauzole në kontratën e tij, ndërsa Barcelona e sheh atë si opsionin ideal për të përsëritur lëvizjen që bëri katër vite më parë me Robert Leëandoëskin.
Raporti fillestar shpjegonte se Kane mund të tundohej nga një kalim te Barcelona, por Indykaila, që më parë ka komentuar mbi interesin e klubit katalanas për të, shkon edhe më tej duke pretenduar se ai “dëshiron Barcelonën”.
Megjithatë, sulmuesi veteran është i vetëdijshëm se për ta realizuar këtë transferim do t’i duhet të pranojë një ulje page./Telegrafi/
