Top pesë hotele luksoze në Belek të Turqisë

Pas një viti plot me punë dhe angazhime të përditshme, sigurisht që ju meritoni një pushim dhe ku më mirë se në Antalya të Turqisë.

Telegrafi përgjatë pesë ditëve nga 23 deri më 29 prill në bashkëpunim me agjencinë Max Travel kanë vizituar disa nga resortet që tashmë kanë hapur dyert për pushuesit anë e kënd botës, por edhe për kosovarët.

Gjatë qëndrimit tonë në rivierën turke, kemi vizituar disa prej qyteteve më të njohura në Turqi si Alanya, Side, Belek dhe Kemer.

Belek është një nga zonat e pasura me hotele me pesë yje që ofrojnë komoditet me cilësi të lartë. Ky qytet është një nga destinacionet më të mira ndërkombëtare për golf. Ofron klimë të shkëlqyer dhe mot të ngrohtë, ujëra të pastër të detit Mesdhe dhe një mjedis të bukur e të gjelbër. Qendra e qytetit të Belekut ofron një numër dyqanesh, restaurantesh ose kafenesh. Përveç pushimeve relaksuese në plazh, turistët mund të shijojnë shumë qendra SPA që ofrojnë trajtime të ndryshme spa, shëndetësore dhe banjot mjekësore me ujë burimi të pasur me minerale.

Sigurisht që tani në mendjen tuaj ka shumë pyetje se si janë ofertat për të shkuar dhe sherbimet e hoteleve, ndaj Max Travel tashmë ka gati listën e hoteleve që kanë shërbimin më të mirë për ju për të kaluar pushime të paharrueshme.

Kaya Palazzo

Kaya Palazzo Belek ju bën të ndjeni arkitekturën e saj unike që në hyrje të hotelit. Ky resort i projektuar nga firma arkitekturore me famë botërore WATG, është vepër e një dizajni dhe kujdesi të përsosur. Posedon qendra SPA prej 3500 m2, dhoma me pamje nga deti, një mini klub që ofron argëtim të pakufizuar për fëmijët, dhoma speciale me akses në pishinë dhe restorante që ofrojnë shije të bukura. Kaya Palazzo Belek duke synuar të ofrojë shërbimet më të mira me ambientet e saj tërheqëse, aktivitetet sportive dhe argëtuese, ka pasur shumë vizitorë nga vendet evropiane.

Ela Excellence Resort

Një parajsë pushimesh e vendosur në Belek, me natyrën e bukur të Antalias dhe blunë magjepsëse të Mesdheut plot histori të mahnitshme: Ela Excellence Resort Belek…

Ky hotel luksoz ka një vendndodhje buzë detit midis 15 fushave të golfit në Belek. Ofron argëtim maksimal dhe momente të paharrueshme plot adrenalinë për fëmijë dhe të rritur. Koncepti i shërbimeve është Ultra All Inclusive.

Granada Luxury Belek

E vendosur në Belek, perla e Mesdheut, me një sipërfaqe prej 100,000 m². Granada Luxury Belek është projektuar për kujtimet tuaja të paharrueshme të pushimeve me pishinat e saj madhështore, vendet e argëtimit dhe arkitekturën unike. Gjendet 33 kilometra larg nga Aeroporti i Antalias dhe 42 kilometra nga qendra e qytetit. Ofron shërbime me koncept Ultra All Inclusive.

Papillon Zeugma

I ndërtuar në vitin 2015, Papillon Zeugma Relaxury në rivierën turke ju ofron juve dhe fëmijëve tuaj që të shijoni menutë më cilësore, aktivitete të veçanta si dhe shfaqje madhështore. Ai është zgjedhur hoteli i tretë më i mirë familjar i Turqisë nga TripAdvisor në 2019.

Kirman Belazur

Kirman Belazur Resort, i vendosur në Belek të Antalisë, ofron një përvojë të paharrueshme pushimi për mysafirët me konceptin e tij Ultra All Inclusive.

Kirman Belazur Resort ndodhet buzë detit me plazhin e tij të mrekullueshëm natyror, llojllojshmëri të ushqimeve me plot shije dhe pijeve të cilësisë së mirë, klub për fëmijë, pishinë për fëmijë, Aquapark, Patisserie. Kirman Belazur është vlerësuar me çmime të shumta ndërkombëtare që nga hapja, me kuzhinën e tij të mrekullueshme që ndërthur klimën mesdhetare me shijet botërore.