Presidenti i Kosovës, Hashim Thaçi, në 20 vjetorin e nënshkrimit të marrëveshjes së Kumanovës, ka thënë se 20 vjet më parë, Millosheviqi dhe ushtria e tij u dorëzuan para NATO-s.

Thaçi ka shkruar në Facebook, se marrëveshja e Kumanovës do të thotë çlirim, fund i gjenocidit, paqe dhe fillim i jetës së re në liri dhe barazi për ne.

“Ishte një rrugëtim i dhimbshëm, por krenar për rindërtimin e vendit dhe shoqërisë sonë. Për botën ishte një fitore e të drejtave të njeriut mbi çdo cenim në shekujt e mëparshëm. Me respektin më të madh e kujtojmë çdo sakrificë të çdo kombi që iu bashkua NATO-s në këtë luftë të drejtë. Me dhimbje, por gjithmonë duke u krenuar me heroizmin e tyre, e kujtojmë edhe çdo dëshmor që ka rënë për të bërë realitet ëndrrën tonë. U jemi përjetësisht mirënjohës”, ka shkruar ai.