Tesla do të fillojë prodhimin në fund të vitit në Gjermani

Elon Musk zbuloi se Tesla do të fillojë prodhimin e Model Y në Gigafabrica të saj të re në Berlin para fundit të vitit.

Musk tha se prodhimi duhet të fillojë në nëntor ose dhjetor, dhe dërgesat e para të Model Y nga fabrika gjermane pritet të fillojnë në muajin dhjetor.

Sidoqoftë, prodhimi masiv në fabrikë nuk do të fillojë për ca kohë. Sipas Bloomberg, Musk tha se ai shpreson që fabrika të prodhojë nga 5,000 deri në 10 mijë automjete në javë deri në fund të vitit 2022, por ai gjithashtu komentoi se “do të duhet më shumë kohë për të arritur prodhimin në shkallë të gjerë sesa u desh për të ndërtuar fabrikë “.

Verge vëren se Tesla synon që, kur fabrika të arrijë kapacitetin e plotë, të prodhojë 500 mijë vetura në vit në Berlin dhe të punësojë deri në 12 mijë punëtorë në atë fabrikë.

Në gusht, Musk priste që Tesla të bënte makinat e para në Gjermani “ndoshta në tetor”, por kjo padyshim që nuk ndodhi, raporton autocar.

Ai më parë kishte fajësuar burokracinë gjermane për vonesa të shumta. Fabrika gjithashtu hasi në rezistencë nga grupet e mjedisit dhe u vu nën vëzhgimin e Ministrisë së Mbrojtjes së Mjedisit për shkak të përdorimit të dyshuar të një tubacioni ilegal që devijoi ujërat e zeza nga fabrika në zonën ku popullata lokale furnizohet me ujë të pijshëm. /Telegrafi/