Ishte “largpamëse” dhe më se e bindur kur premtoi se nuk do të ketë më vonesa në shpërndarjen e teksteve shkollore. Madje, deklaronte se tekstet shkollore nuk do të dërgohen më në shkolla në fillim të shtatorit, por shumë më herët në kohë, duke e përmendur ditët e fundit të muajit korrik.
Sikurse të mos mjaftohej, ministrja Arbërie Nagavci shtonte se, “jemi të përkushtuar për tekste shkollore cilësore për nxënësit tanë, dhe shpërndarja e teksteve me kohë për të gjithë nxënësit është një pjesë e rëndësishme e këtij rrugëtimi”.
Por, kur kanë kaluar 20 ditë prej se ka përfunduar muaji korrik e ka filluar ai gusht, e kështu kur kanë mbetur më pak se dy javë nga 1 shtatori kur edhe pritet të fillojë viti i ri akademik 2023/2024, ministrja premtuese nuk ka arritur ta bëjë shpërndarjen e teksteve shkollore nëpër komuna.
Për vonesat në shpërndarjen e librave fala pa procedura të komplikuara, ashpër ka reaguar Asociacioni i Komunave të Kosovës (AKK).
Sazan Ibrahimi nga AKK ka thënë se për herë të parë po ndodh që niveli qendror të mos ketë gatishmëri për furnizimin e komunave me tekstet shkollore.
“Shumica absolute e komunave janë të përgatitura për një fillim të mbarë të vitit shkollor. Pra, çka bie në përgjegjësi të komunave pothuajse në mënyrë absolute është përmbushur, problemi kryesor qëndron në përgjegjësi të Ministrisë së Arsimit, sepse nuk i kanë furnizuar komunat me tekste shkollore dhe kjo është hera e parë që kemi një mosgatishmëri të nivelit qendror për furnizim të komunave me tekste shkollore. Niveli qendror është zotuar që në mes të korrikut t’i furnizojë komunat me tekste, në mënyrë që të kemi fillimin e procesit mësimor. Edhe komunave mund t’u themi sinqerisht se nuk mund t’iu interesojë së çfarë është bërë me procedurat e tenderimit dhe çmimet nga niveli qendror. Faji bie te MASHTI për mosfurnizim me tekste shkollore. Pasi shkollat përmes komunave furnizohen me tekste shkollore prej MASHT-it. Në bazë të legjislacionit, Ministria duhet t’i sigurojë tekstet shkollore”, ka thënë Ibrahimi.
Për këto vonesa, Ibrahimi thotë se të gjithë përgjegjësinë duhet ta marrë Ministria e Arsimit, ashtu edhe për çka vetë kishte premtuar.
“Ministrja Nagavci e ka shkelur edhe Kushtetutën dhe nuk ka dhënë ndonjë përgjegjësi dhe për çdo lëshim duhet të ketë përgjegjësi. Komunave vitin e kaluar u është premtuar se tekstet shkollore do t’iu shkojnë nëpër komuna kah mesi i korrikut, tash po shohim se kjo po çalon dhe dikush duhet të marrë përgjegjësi se nxënësit nuk po furnizohen me tekste shkollore. Komunave iu intereson që MASHT-I po i kryen obligimet ligjore”, shtoi mes tjerash ai.
Nga këto vonesa, ata që do të pësojnë janë nxënësit. E për këtë, Ibrahimi ka listuar problemet, me të cilat, nxënësit do të përballen, duke filluar nga ata të cilët për herë të parë do të ulen në bankat shkollore. Jo e duhur shihet edhe ideja që nxënësit nga klasa e gjashtë deri në të nëntën t’i përdorin librat e viteve të kaluara.
“Paramendoni nxënësit e klasave të para kur fillojnë mësim nuk do të kenë tekste, plus shto kësaj që këtë vit shkollat do të furnizohen, nëse furnizohen, janë tekste nga e para deri në të pestën, ndërsa nga e klasa e gjashtë deri në të nëntën në bazë të udhëzimit administrativ thuhet se tekstet e viteve të kaluara duhet të përdoren. Tash nxënësit nuk i kanë kthyer tekstet, disa mund të jenë të papërdorshme”, tha Ibrahimi.
E si duket MASHTI kishte tentuar që ta fshihte problemin që kishte me shpërndarjen e teksteve shkollore, por që edhe këtu llogarit u prishën. Krejt kjo pasi AKK e bëri publike që komunat nuk po furnizoheshim me tekstet shkollore, sikurse kishin marrin premtimin nga e para e MASHTI-it, Arbërie Nagavci. /Gazeta Blic/
Promo
Reklamo këtuLufta Prigozhin - Putin
Më shumëNga Rubrika
Mexhiti, Ahmetit: A është e vërtetë se keni bërë thirrje për bojkot të zgjedhjeve presidenciale
Dhoma e Tregtisë dhe Industrisë kërkon ndryshime urgjente në kalendarin e festave zyrtare – të mos pushohet në ditët e javës kur festat bien në vikend
Bastisje në Manastir, ndalohet një 48-vjeçar
Dita botërore e lirisë së shtypit, raporti i “Reporterëve pa Kufij” - Kosova shënon rënie për 19 vende
Gjilan, një person refuzon të ndalet para policisë - polici përmes xhamit ia merr çelësat dhe fikë veturën e tij
“Ushtria digjitale” e Kurtit në front kundër gazetarëve
Ferizaj, një grua raporton se vajza e saj është marrë nga një person i panjohur - dyshohet se ka kryer marrëdhënie seksuale me të
Anëtarësimi i Kosovës në KiE-së, Kosova dhe Zvicra mbajnë takimin konsultativ
Rama: Spitali i Kryeqytetit po bëhet, shumë shpejt projekti do të tenderohet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe