Telegrafi dhe Valicon lansojnë bashkëpunimin e tyre më të ri “Telegrafi & Valicon PULS”

Telegrafi dhe Valicon kanë kënaqësinë të njoftojnë lansimin e bashkëpunimit të ri “Telegrafi dhe Valicon Puls”, që synon transformimin e hulumtimit të opinionit publik në Kosovë.

Ky partneritet kombinon ekspertizën e dy liderëve në fushat përkatëse për të ofruar njohuri në kohë dhe të arritshme për pikëpamjet që kanë qytetarët e Kosovës.

“Telegrafi dhe Valicon Puls” do të përdorë metoda efektive për të kuptuar pulsin e shoqërisë në Kosovë.

Duke kombinuar sondazhet e votimit në media me teknikat e “kampionimit shkencor – mostër”, të mundësuara nga komuniteti i anketimit të Opinia.Club të Valicon, ne do të ofrojmë njohuri të vlefshme për peizazhin gjithnjë në ndryshim të Kosovës.

Për më tepër, ne bëjmë vazhdimisht krahasime të përditësuara rajonale për ta vendosur Kosovën brenda kontekstit aktual të Evropës Juglindore, duke ofruar njohuri të vlefshme për pozitën e saj në skenën rajonale.

Qëllimi ynë është të ofrojmë të dhëna të sakta dhe të kuptueshme që do të mbështesin vendimmarrjen në Kosovë.

“Së bashku, ne jemi të përkushtuar të promovojmë diskutime bazuar në informata të sakta dhe zgjedhje të bazuara në dëshmi për përparim në të gjithë sektorët. Bashkohuni me ne në misionin tonë për të fuqizuar Kosovën me njohuri dhe për të nxitur ndryshime pozitive”.

VALICON është kompania sllovene e marketingut dhe hulumtimit të tregut me përvojë mbi 25 vjeçare në regjionin e Evropës Juglindore, në shtetet si Kroacia, Serbia, Bosnja & Hercegovinë, dhe nga viti i kaluar tashmë edhe në Kosovë.

VALICON çdo vit realizon mbi 1 milion sondazhe, duke bashkëpunuar ngushtë me kompanitë më të mëdha në rajon nga çdo industri, siç janë : Opinioni Social dhe Publik, Sektori i financave, Telekomunikim dhe Media, Shitje me pakicë dhe FMCG, Shërbime komunale etj. /Telegrafi/