Të vishesh mirë do të thotë të jesh i suksesshëm

Studimet tregojnë se mënyra se si visheni ndikon në mënyrën se si njerëzit ju vlerësojnë, sa vetëbesim keni dhe sa i aftë jeni për të menduar në mënyrë abstrakte.

Në një studim të kryer në Yale, u përzgjodhën 128 burra nga mosha 18 deri në 32, të cilët duhet të bënin negociata për shitjet dhe blerjet.

Ata që ishin veshur keq morën një përfitim prej 680 mijë dollarësh, ndërkohë grupi i veshur me kostume grumbulloi 2.1 milionë dollarë. Grupi i veshur thjesht mori një përfitim mesatarisht prej 1.58 milionë dollarësh.

Në një studim tjetër, pjesëmarrësit e veshur mirë ishin më të angazhuar te qëllimi, duke i menduar gjërat si një shef ekzekutiv, ndërkohë që ata të veshur jo-mirë shqetësoheshin vetëm për detajet e vogla.

“Njerëzit që vishen mirë ndihen më të fuqishëm. Kur ndihesh më i fuqishëm, ti nuk fokusohesh në detaje”, thotë Michael L. Slepian, bashkautor i studimit dhe asistent pedagogu në Shkollën e Biznesit të Kolumbisë, shkruan Business Insider, përcjell Telegrafi.

Si ju duket kjo këshillë për stilin tuaj të përditshëm? Në kodin e sotëm të veshjes së zyrës, paraqitja e jashtme mund të ketë një efekt edhe më të madh.

Por sigurohuni që të ndiqni rregullin ‘plus ose minus një’ për veshjen në kompani. Për shembull, në qoftë se shumica e njerëzve në zyrë veshin këmisha serioze, ju mund të vendosni një xhaketë sportive. Nëse shumica e njerëzve veshin xhaketë dhe xhinse, ju mund të vishni një kostum. Dhe kështu me radhë. /Telegrafi/