Te Real Madridi “me kontratë” lojtarët nuk kanë guxuar të thonë se Messi është më i mirë se Ronaldo

James Rodriguez dikur pretendoi se ish-klubi i tij Real Madridi i detyroi me kontratë lojtarët që të zgjidhnin Cristiano Ronaldon në vend të Lionel Messit si më të mirin në histori.

Rivaliteti mes Messit dhe Ronaldos ishte në kulmin e tij gjatë kohës së tyre në Spanjë për Barcelonën dhe Real Madridin, respektivisht, derisa ikona portugeze u largua në vitin 2018.

James Rodriguez luajti së bashku me Ronaldon në Bernabeu nga viti 2014 në 2018, përpara se të largohej nga klubi në vitin 2020. Më pas ai pati periudha të shkurtra në shumë klube, duke përfshirë Everton, Olympiacos dhe Sao Paulo.

Menjëherë pasi iu bashkua skuadrës braziliane Sao Paulo në vitin 2023, sulmuesi kolumbian kishte pohuar në një konferencë për shtyp se ishte i detyruar të emëronte Cristiano Ronaldon si më të mirin në histori ndaj Messit për shkak të detyrimeve kontraktuale nga ish-klubi i tij.

Ai tha (përmes La Opinion): “Gjithmonë kam menduar se Messi është më i miri në histori, por në Real Madrid ne ishim të detyruar kontraktualisht të thoshim se më i miri ishte Cristiano”.

Lexo po ashtu Usain Bolt nuk kishte asnjë dyshim kur u pyet nëse Cristiano Ronaldo do ta mundte atë në duelin e shpejtësisë

Rodriguez kohët e fundit luajti kundër Lionel Messit në finalen e Copa America 2024 dhe fitoi çmimin e Topit të Artë si lojtari më i mirë në turne. La Albiceleste siguroi një fitore 1-0 ndaj Kolumbisë pasi Lautaro Martinez shënoi golin e fitores në kohën shtesë.

Pas periudhës së tij me Kolumbinë në Kupën e Amerikës, Rodriguez u kthye në Spanjë për t’iu bashkuar Rayo Vallecanos verën e kaluar, por në janar iu bashkuat klubit meksikan, Leon. /Telegrafi/