LAJMI I FUNDIT:

Të pasur me vitamina dhe minerale: Gjashtë ushqimet më të mira për forcimin e kockave

Të pasur me vitamina dhe minerale: Gjashtë ushqimet më të mira për forcimin e kockave
(Foto: Pexels)

Jo vetëm që ju ndihmojnë të lëvizni dhe të qëndroni në këmbë, kockat gjithashtu ndihmojnë në mbrojtjen e organeve të brendshme delikate dhe ju furnizojnë me minerale kyçe, si kalciumi dhe fosfori.

Ekspertët thonë se ajo që hamë dhe aktivitetet që bëjmë gjatë viteve kanë ndikim në shëndetin e kockave.

Shenjat që tregojnë se nuk ushqeheni si duhet
Lexo po ashtu Shenjat që tregojnë se nuk ushqeheni si duhet

Produktet e qumështit

Produktet e qumështit janë të pasura me kalcium, i cili kontribuon në strukturën e kockave. Qumështi me pak yndyrë dhe kosi janë burime të shkëlqyera të kalciumit. Mjekët deklarojnë se ushqimet e tilla janë të pasura me vitamina të tretshme në yndyrë, përkatësisht vitamina A dhe D.

Frutat arrore

Frutat arrore përmbajnë pak më pak kalcium, por ofrojnë dy lëndë ushqyese të tjera thelbësore për shëndetin e kockave, përkatësisht magnezin dhe fosforin. Magnezi ju ndihmon të thithni dhe mbani kalciumin në kockat tuaja. Fosfori është një komponent kyç i kockave, sepse afërsisht 85 për qind e fosforit në organizëm mund të gjendet në kocka dhe në dhëmbë.

Farat kanë vlera ushqyese të ngjashme me arrat

Farat ju sigurojnë kalcium, magnez dhe fosfor, si dhe përmbajnë fibra dhe acide omega-3 yndyrore, të cilat përmbajnë acide yndyrore të pangopura që mund të zvogëlojnë kolesterolin, inflamacionin dhe të ruajnë funksionimin e qetë të trurit dhe sistemit tuaj nervor.

Arsyet pse dobësohet kockat pas një moshe të caktuar
Lexo po ashtu Arsyet pse dobësohet kockat pas një moshe të caktuar

Perimet me gjethe të gjelbra

Perimet me gjethe të gjelbra ofrojnë disa lëndë ushqyese që mbështesin shëndetin e kockave, të tilla si vitamina K dhe kalciumi. Mjekët thonë se vitamina K funksionon së bashku me kalciumin dhe mungesa e saj shoqërohet me osteoporozë dhe fraktura. Perimet me gjethe të gjelbra përfshijnë rukolën, spinaqin, lakrat dhe brokolin.

Bizelet

Të gjitha llojet e fasuleve ofrojnë një dozë bujare të lëndëve ushqyese për ndërtimin e kockave si magnezi, kalciumi dhe fosfori. Përveç kësaj, fasulet janë zakonisht të larta në fibra dhe proteina, të cilat mund të jenë veçanërisht të dobishme për ata që ndjekin një dietë me bazë bimore.

Tri mënyra të thjeshta për t'i mbajtur kockat të forta ndërsa plakeni
Lexo po ashtu Tri mënyra të thjeshta për t'i mbajtur kockat të forta ndërsa plakeni

Peshku

Peshqit, veçanërisht speciet yndyrore, si salmoni dhe toni, kanë sasi të konsiderueshme të vitaminës D, e cila është thelbësore për shëndetin e kockave. Vitamina D është e tretshme në yndyrë dhe luan një rol kyç në rritjen e kockave. /Telegrafi/


Në trend Shëndetësi

Më shumë
Myku i gojës; Katër mënyra për ta kuruar shpejt e shpejt

Myku i gojës; Katër mënyra për ta kuruar shpejt e shpejt

Shëndetësi
Kalo në kategori