Të paktën shtatë të vdekur pasi një ‘supermjegull’ pranë New Orleans shkaktoi aksidente të dhjetëra automjeteve në autostradë

Të paktën shtatë persona gjetën vdekjen të hënën pasi një “supermjegull” shkaktoi një seri aksidentesh në Interstate 55 pranë New Orleans – nga ku mbetën edhe makina, kamionësh dhe rimorkio-traktorësh të shkatërruar dhe të djegur.

Sipas autoriteteve të Luizianës, rreth 158 automjete u përfshinë dhe 25 persona u lënduan, gjithashtu, duke paralajmëruar se numri i të vdekurve mund të rritet ndërsa reaguesit e parë punuan gjatë natës në kërkim të viktimave të mundshme, përcjell Telegrafi.

NEW ORLEANS (AP) — Officials say at least 7 killed in massive vehicle crashes in Louisiana due to 'Superfog.'pic.twitter.com/W3n6hdiYM0

— philip lewis (@Phil_Lewis_) October 24, 2023

Siç bëhet e ditur, disa njerëz dolën nga automjetet e tyre dhe qëndruan në anë të rrugës duke parë me mosbesim fatkeqësinë, ndërsa të tjerë bërtisnin për ndihmë.

Ndërsa 25 persona u transportuan në spital, me lëndime që varionin nga të lehta në kritike, të tjerët kërkuan ndihmë mjekësore vetë, thanë autoritetet.

🚨#BREAKING: Hazardous Dense Fog mixed with Smoke has Cause a Catastrophic 25+ Vehicle Pileup with Multiple Injuries and Fatalities

📌#Manchac | #Louisiana

Currently, Numerous emergency personnel and other authorities are on the scene to a significant vehicle pileup occurring… pic.twitter.com/TaiVV1P9Fb

— R A W S A L E R T S (@rawsalerts) October 23, 2023

Guvernatori John Bel Edwards bëri një thirrje për dhuruesit e gjakut që të plotësojnë furnizimet në pakësim.

Shërbimi Kombëtar i Motit tha se ka pasur zjarre të shumta në rajon.

Tymi nga zjarret përzihet me mjegullën për të krijuar një “supermjegull”.

Dukshmëria u përmirësua me ngritjen e mjegullës, sipas agjencisë, por kushte të ngjashme të rrezikshme mund të ndodhin në ditët në vijim. /Telegrafi/