Një zyrtar i qeverisë pakistaneze bëri me dije se 22 pasagjerë, duke përfshirë edhe disa gra e fëmijë vdiqën në një aksident ku një furgon me shpejtësi të lartë doli nga rruga në një mal dhe ra në një luginë në një zonë të largët në jugperëndim të Pakistanit.

Aksidenti ndodhi gjatë së mërkurës në distriktin e Qila Saifullah, rreth 200 kilometra në veri të Quetta kryeqytetit të provincës Balochistan.

Mohammad Qasim, zëvendësi administratori i distriktit tha se ekipi i shpëtuesve transportoi trupat në një spital të afërt. Ai shtoi se sipas të dhënave nuk kishte asnjë të mbijetuar, transmeton Telegrafi.

Reklama

Qasim në fillim tha se në aksident kishin vdekur 18 persona, por më vonë gjatë ditës tha se ekipi i shpëtuesve kishin nxjerrë edhe katër trupa të tjerë nga furgoni i shkatërruar.

Reklama

Ai bëri me dije se të afërmit e pasagjerëve të vdekur kishin arritur në spital për ti marrë trupat e viktimave.

Ende nuk dihet se çka qoi deri tek aksidenti. /Telegrafi/