Të ndenjurit pa gjumë do të ju vras

Nëse për çfarëdo arsye flini pak, sepse nuk dëshironi që jetën edhe ashtu të shkurtër, ta kaloni në gjumë, duhet të keni parasysh se, sasia e mjaftueshme e gjumit zgjatë jetën ndërsa pagjumësia e shkurton atë.

Njerëzit të cilët nuk flenë sa duhet, kanë dy herë më shumë gjasa të vdesin nga sëmundjet e zemrës, është përfundim i një studimi të madh britanik.

Edhe pse arsyet që drejtojnë kah kjo, janë pak të paqarta, shkencëtarët janë të sigurt që mungesa e gjumit sjellë shtypjen e lartë të gjakut, njërin prej faktorëve që rrisin rrezikun nga sëmundjet e zemrës.

Studimi i përmendur ka zgjatur 17 vjet, gjatë së cilave është përcjellë gjendja shëndetësore dhe sjelljet e gjumit të 10.000 zyrtarëve shtetëror. Ata që natën kanë fjetur prej 7 deri në 5 apo edhe pak orë, kanë rritur rrezikun për vdekje të mëhershme për çfarëdo arsyesh, dhe më shumë se dy herë kanë rritur rrezikun për zhvillimin e sulmit në zemër.

Ky hulumtim nënvizon rrezikun e stilit të shpejtë të jetës, të cilën çdo ditë e më shumë po e përjetojmë, ka thënë Francesco Cappuccio, profesor i mjekësisë kardiovaskulare në universitetin Ëarëick’s Medical School.

"Një e treta e britanikëve dhe mbi 40 për qind e amerikanëve rregullisht flenë më pak se pesë orë në ditë, andaj ky nuk është problem i vogël. Shoqëria na shtynë që çdo ditë e më shumë të mbesin pa gjumë, në mënyrë që të bëjmë sa më tepër gjatë një dite" ka thënë ai.

"Kur flasim për parandalimin, rezultatet tona flasin që fjetja e rregullt prej rreth 7 orësh për natë është më optimalja për shëndet", ka thënë profesori Cappuccio.