Më të mirët në botë: aeroporti, ishulli, shteti, qyteti, hoteli…

Cili shtet është më i miri në botë, cili ishull më i mirë, avio-kompania më i mirë, ku është arkitektura më e mirë…

Çdo vit Conde Nast Traveller-i Britanik, përpilon listën “e më të mirëve”, gjë që përafërsisht paraqet më të mirin që bota e turizmit ka për të ofruar”, transmeton Telegrafi.

Sivjet për shkak të peizazheve të mrekullueshme dhe ushqimit të shkëlqyeshëm Italia është shpallur shteti më i mirë në botë, ndërsa Norvegjia ka fituar shpërblimin për kompaninë e aviacionit më të mirë kur është fjala për fluturimet e shkurtra.

Emiratet kanë fluturimet e gjata më të mira, ndërkaq aeroporti londinez Heathrow, është më i miri në botë.

Qyteti më i mirë në Britani është shpallur Londra, ndërkaq metropoli më i mirë ‘tejoqeanik” Parisi, pastaj Roma.

Aq më tepër, në Paris gjendet edhe hoteli i cili është shpallur më i miri – Le Bristol Paris.

Rëra e bardhë dhe plazhet e mrekullueshme kanë kontribuar që Hawaii të shpallen ishulli më i mirë, ndërsa ishujt grekë kanë fituar shpërblimin si zinxhiri më i mirë i ishujve.

Roma është shpallur qyteti më i mirë për kulturë, ndërsa Tajlanda shteti “më i mirë për njerëzit”.

Yorku në Angli është qyteti më i mirë për ata të cilët e duan arkitekturën – veç tjerash, atje gjenden edhe Katedralja Gotike dhe ndërtesat e mrekullueshme të stilit neoklasik. /Telegrafi/