LAJMI I FUNDIT:

Të mërkurën shpallen rezultatet e regjistrimit në Maqedoni, Simovski nuk komenton numrat jozyrtar

Të mërkurën shpallen rezultatet e regjistrimit në Maqedoni, Simovski nuk komenton numrat jozyrtar

Të mërkurën në Filarmoninë e Maqedonisë do të shpallen zyrtarisht të dhënat nga regjistrimi i popullsisë, që u realizua në shtator.

Më në fund pas 20 vitesh Maqedonia e Veriut do të ketë pasqyrën e plotë të numrit bashkësive etnike në vend, ndërsa këtë fundjavë kanë dalë informacione jozyrtare pas deklaratës së drejtorit të Entit Shtetëror të Statistikave, Apostol Simovski se pas shpalljes së rezultateve do të të shpallet “armik i shtetit”, përcjell Telegrafi Maqedoni.

Mediat këtë fundjavë publikuan shifra jozyrtare të regjistrimit dhe cituan burime nga Enti Shtetëror i Statistikave. Sipas këtyre të dhënave, në vend jetojnë 1 milion e 800 mijë qytetarë. Së bashku me diasporën jemi 2.1 milionë, që do të thotë se rreth 300 mijë jetojnë jashtë. Numri i përgjithshëm i qytetarëve që kanë numër sigurimesh shoqërore është 2.5 milionë.

Sa i përket bashkësive etnike që jetojnë në vend, nga 1,8 milionë banorë, maqedonas që jetojnë në vend janë rreth 63 deri në 65%, rreth 24,7 shqiptarë, dhe 10-12% komunitete të tjera që jetojnë në vend.

Përqindjet ndryshojnë nëse ata që jetojnë në diasporë përfshihen në totalin e popullsisë, siç parashikohet me ligj.

Së bashku me diasporën, sipas burimeve jozyrtare, maqedonasit do të dilnin nga 60 në 62%, shqiptarët 29,5%, dhe pjesëtarët e bashkësive të tjera etnike nga 8 në 10%.

Drejtori i ESSH-së, Simovski për “Fokus” thotë se askund nuk janë shpërndarë të dhëna nga institucioni, por është i rezervuar nëse ato përputhen me të vërtetat.

“A përputhen të dhënat e publikuara me ato reale, do ta themi të mërkurën kur do t’i paraqesim të dhënat për publikun. Nuk kemi asnjë presion, ndërsa sa i përket shpërndarjes Së të dhënave në publik, është thjesht e pamundur të parandalohet tek ne”, tha Simovski për “Fokus”./Telegrafi/

Në trend Lajme

Më shumë
Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Elfije Boletini
Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Lajme
Lajçak me post të ri nga shtatori

Lajçak me post të ri nga shtatori

Lajme
IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

Shëndetësi
RTK: Ambasadori Berishaj po intervistohet nga Prokuroria Speciale

RTK: Ambasadori Berishaj po intervistohet nga Prokuroria Speciale

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori