LAJMI I FUNDIT:

A do të jetë kjo mënyra si do të punojmë pas pandemisë?

A do të jetë kjo mënyra si do të punojmë pas pandemisë?

Fillimisht na tregoni si është më mirë për ju të punoni, nga shtëpia apo në zyrë?

Nuk e dimë për ju, por shumë kompani nëpër botë po fillojnë të konsiderojnë të punuarin nga shtëpia edhe pas gjendjes së shkaktuar nga COVID-19.

Canary Wharf – një nga qendrat kryesore financiare të Mbretërisë së Bashkuar, ka filluar të mendojë për një mënyrë të re të punuari pas pandemisë. Bëhet fjalë për të punuarit nga shtëpia, njësoj siç ndodhi gjatë pandemisë.

Të njëjtën gjë po bëjnë edhe shumë kompani të mëdha nëpër botë. Ndër të parat që ka lajmëruar punonjësit se mund të punojnë nga shtëpia përgjithmonë, nëse dëshirojnë, ishte Twitter.

Ashtu si një pjesë e madhe e popullsisë, edhe punonjësit e Canary Wharf kanë punuar nga shtëpia prej shumë javësh, për shkak të coronavirusit. Pritet që vetëm 10-20% e punonjësve të rikthehen në zyrë në javët e ardhshme.

Siç raportoi Financial Times, Canary Wharf ka filluar të mendojë për marrjen e masave, në mënyrë që të sigurojë shëndetin dhe distancimin social.

Por tani e ardhmja e të punuarit në zyrë është vënë në diskutim. Muajin e kaluar, Jes Staley, shefi ekzekutiv i Barclays tha se të pasurit e mijëra punëtorëve të bankës në zyra të mëdha dhe të shtrenjta mund të jetë diçka që do t’i përkasë së shkuarës. Kjo do të thotë se trendi i pandemisë për të punuar nga shtëpia mund të funksionojë edhe pas saj, edhe pse kompanitë e mëdha do të kenë nevojë për zyra qendrore.

Sipas një sondazhi të Chartered Management Institute, 60% e anëtarëve të tij dëshironin ta ndanin punën gjatë javës mes shtëpisë dhe zyrës, pas pandemisë, shkruan Class.

Psikologët e quajnë këtë punë të përzierë dhe thonë se mund të përmirësojë produktivitetin, motivimin dhe kënaqësinë që merr nga puna. Ata thonë se puna në këtë mënyrë u përshtatet njerëzve që janë të motivuar dhe të organizuar, por s’është aspak e përshtatshme për ata që kanë nevojë për udhëheqje apo për ata që s’kanë hapësirë në shtëpi.

Një tjetër avantazh i të punuarit nga shtëpia është se do të shoqërohej me ulje të trafikut dhe më shumë hapësirë në transportin publik.

A do të jetë kjo mënyra si do të punojmë pas pandemisë? Mbetet për t’u parë. /Telegrafi/

Në trend Stil

Më shumë
A e dini pse duhet të vendosni pak fletë alumini pas ruterit? Shkencëtarët garantojnë për këtë truk

A e dini pse duhet të vendosni pak fletë alumini pas ruterit? Shkencëtarët garantojnë për këtë truk

Stil
A e dini se për çfarë shërben vrima tek kapaku i kënaçes?

A e dini se për çfarë shërben vrima tek kapaku i kënaçes?

A e dini se...
Si të flisni me njerëzit në botën e përtejme: Një kujtesë e të humburve që nuk mund të harrohen

Si të flisni me njerëzit në botën e përtejme: Një kujtesë e të humburve që nuk mund të harrohen

Lifestyle
Pse duhet të vendosni një filxhan tek dera sa herë që jeni vetëm në banesë? Ja arsyeja

Pse duhet të vendosni një filxhan tek dera sa herë që jeni vetëm në banesë? Ja arsyeja

Stil
Dallimet mes fëmijëve që lexojnë në letër dhe atyre që lexojnë në ekrane digjitale

Dallimet mes fëmijëve që lexojnë në letër dhe atyre që lexojnë në ekrane digjitale

Lifestyle
Produkti i juaj i përditshëm që e merrni kudo me vete mund të jetë më i ndotur se tualeti

Produkti i juaj i përditshëm që e merrni kudo me vete mund të jetë më i ndotur se tualeti

A e dini se...
Kalo në kategori