LAJMI I FUNDIT:

Të dashuroni apo ta bëni të dashuruar?

Të dashuroni apo ta bëni të dashuruar?

Derisa të dashuruarit është momental, dashuria është e përhershme. Nga ajo suptile deri te realja…

Dallimi themelor midis dashurisë dhe të të dashuruarit më së miri mund të shpjegohet në shembullin e akullores dhe rrushit, transmeton Telegrafi.

Akullorja shpejt tërheq dhe të huton me shijen, ndërsa rrushi mbase vetëm në fillim është i thartë, mirëpo pas vete lë shije të ëmbël.

Akullorja është e pashëndetshme, ndërkaq rrushi shumë i shëndetshëm.

Të dashuruarit më shumë i ngjason akullores, ndërkaq dashuria rrushit.

Edhe pse të dashuruarit dhe dashuria janë ndjenja të fuqishme ndaj personit tjetër, shpesh ngatërrohen.

Pasioni dhe besnikëria

Pasioni është cilësi themelore e të rënit në dashuri. Tërhiqni njëri-tjetrin pa ndjenja intensive. Fjala është vetëm për prirje seksuale ndaj personit tjetër e cila zgjat vetëm derisa lidhja është e freskët, ndërsa shumë shpejt shuhet.

Besnikëria është bazë në të cilën zhvillohet dashuria. Ajo gjatë kohës forcohet dhe bëhet më intensive.

Dashuria sipërfaqësore dhe e pjekur

S’ka dyshim, të rënët në dashuri është sipërfaqësore, sepse është e bazuar në momentin – në tërheqjen momentale dhe në kënaqësi.

Nga ana tjetër, dashuria është ndjenjë e pjekur. E kuptoni qartë çka është mirë, e çka është keq dhe në fund kjo do t’ju bëjë të lumtur.

Obsesioni dhe përkushtimi

Nëse nuk arrihet obsesioni, paraqiten hidhërimi dhe xhelozia. Dashuria është ndjenjë krejtësisht e kundërt. Personi do të jetë i durueshëm dhe i gatshëm që të pranojë çfarëdo sfide.

Personi i cili dashuron do të përpiqet që t’i zgjidhë problemet eventuale dhe assesi nuk do të shmanget. Në dashuri gjithmonë ekziston ndjenja e përkatësisë dhe e besnikërisë, gjë që kurrë nuk mund të pritet një gjë e tillë te të rënët në dashuri.

Siguria dhe pasiguria

Në dashuri ekziston siguri e madhe. Kjo është kështu, sepse çka do që të ngjajë, personi i cili ju dashuron nuk do t’ju braktisë.

Nëse vetëm keni rënë në dashuri, gjithmonë ekziston pasiguria që partneri mund t’ju braktisë apo t’ju tradhtojë.

Tepër e bukur dhe e tmerrshme

Bukuria e dashurisë del nga fakti që ekziston pranimi i pjekur i të metave të partnerëve. E pranoni dikë ashtu siç është – kjo është diçka shumë e bukur.

Nga ana tjetër, të rënët në dashuri është e tmerrshme, sepse nuk ekziston lidhshmëria dhe gjithmonë jeni të brengosur për besnikërinë e partnerit. /Telegrafi/

Në trend Stil

Më shumë
A e dini pse duhet të vendosni pak fletë alumini pas ruterit? Shkencëtarët garantojnë për këtë truk

A e dini pse duhet të vendosni pak fletë alumini pas ruterit? Shkencëtarët garantojnë për këtë truk

Stil
A e dini se për çfarë shërben vrima tek kapaku i kënaçes?

A e dini se për çfarë shërben vrima tek kapaku i kënaçes?

A e dini se...
Ekziston një mënyrë efikase si mund ta ndaloni vluarjen e tepërt të ujit në tenxhere

Ekziston një mënyrë efikase si mund ta ndaloni vluarjen e tepërt të ujit në tenxhere

A e dini se...
A e dini pse qeset me çipsa nuk mbushen plot – ekziston një arsye e mirë për këtë

A e dini pse qeset me çipsa nuk mbushen plot – ekziston një arsye e mirë për këtë

A e dini se...
Si të flisni me njerëzit në botën e përtejme: Një kujtesë e të humburve që nuk mund të harrohen

Si të flisni me njerëzit në botën e përtejme: Një kujtesë e të humburve që nuk mund të harrohen

Lifestyle
Dallimet mes fëmijëve që lexojnë në letër dhe atyre që lexojnë në ekrane digjitale

Dallimet mes fëmijëve që lexojnë në letër dhe atyre që lexojnë në ekrane digjitale

Lifestyle
Kalo në kategori