“Të bërit biznes në Evropë”, nga EAC Slovenian Business Club

U mbajt takimi që ka për qëllim zhvillimin e mëtutjeshëm të mundësive të bashkëpunimit të biznesit kosovar dhe atij slloven, si dhe mundësive e të bërë biznes në vendet evropiane.

Për këtë takim janë angazhuar ekspertë të ndërmarrësisë dhe promovimit: Denis Gafuri dhe Bajram Fusha, nën mbështetje të zyrtarëve të Doganës së Kosovës dhe zyrtarë nga Ministria e Tregtisë dhe Industrisë.

Takimi u mbajt në kuadër të aktiviteteve të Klubit Slloven të Bizneseve (EAC Slovenian Business Club) me qëllim të informimit dhe përgatitjes së bizneseve kosovare për tregjet evropiane.

“Klubi qëllim ka ofrimin e mundësive të bashkëpunimit të bizneseve kosovare me ato sllovene, ndërtimin e rrjetit të bashkëpunimit mes tyre, ndërtimin e infrastrukturës së bashkëpunimit dhe lehtësimit të tij, organizimit të takimeve, konferencave, vizitave studimore, panaireve, organizimit të takimeve B2B, gjetjen e perfaqësuesve dhe partnerëve etj. Të gjitha këto për të ndikuar në zhvillimin e ekonomisë dhe kreativitetit të ndërmarrësve në Kosovë”, thotë Bajram Fusha, drejtor i EAC Slovenian Business Club.

Takimet dhe aktivitetet e Klubit të biznesit do te intensifikohen edhe më shumë në ditët në vijim.

“Çdo ditë e më shumë është duke u shtuar interesimi për t’u futur në këtë rrjet aktiv të ndërmarrësve kosovarë dhe atyre sllovenë, kështu që do jemi si pikë referuese e zhvillimeve kreative të të bërit biznes me partnerë evropianë”, thotë ai. “Gjithashtu, ju ofrojmë mundësinë për kyçje në këtë rrjet të gjitha bizneseve që kanë interesa për bashkëpunim me vendet e rajonit (info: në www.eac-ks.eu)”!

Ky ndërtim i bashkëpunimit përkrahet nga “SPIRIT”, agjencion i Ministrisë së Zhvillimit Ekonomik dhe Teknologjisë së Sllovenisë. /Telegrafi/